Вы тут

Адбылася прамая тэлефонная лінія з губернатарам Гродзенскай вобласці


Тэма якасці і бяспекі дарог была ўзнята падчас прамой тэлефоннай лініі губернатара Гродзенскай вобласці з жыхарамі рэгіёна.


Шматдзетная мама Алена Вітольдаўна з Гродна і яе сям'я некалькі гадоў пражывае ў новым тыпавым пасёлку катэджнага тыпу «Ласосна-4», які пабудаваны за горадам. Па словах жанчыны, жылы мікрараён адпавядае ўсім нормам пражывання — падведзены ўсе камунікацыі, тэрыторыя добраўпарадкавана. Але ёсць нараканні на дарогу, якая вядзе да пасёлка. Алена Вітольдаўна ад імя жыхароў выказала занепакоенасць яе станам. Дарога звязвае пасёлак з галоўнай трасай, па якой ходзіць гарадскі транспарт. Але каб дабрацца да трасы, трэба пераадолець амаль кіламетр даволі складанай для пешахода дарогі, на якой няма ліхтароў, а само палатно патрабуе рамонту. Таксама яе непакоіць і тое, што на вуліцах пасёлка ў начны час поўнасцю адключаецца электрычнасць.

Губернатар даў даручэнне прадугледзець у жылым мікрараёне дзяжурнае асвятленне і ноччу. Што датычыцца дарогі, яе добраўпарадкаванне будзе ўзята пад кантроль як гарадскімі, так і абласнымі ўладамі.

— Зараз фарміруецца праграма развіцця на 2019 год, і мы зноў звернем увагу на гэту дарогу, — адказаў Уладзімір Краўцоў. — Магчыма, не адразу там будзе пакладзены асфальт. Але добраўпарадкуюць так, каб можна было бяспечна не толькі ездзіць, але і хадзіць. Людзі павінны без праблем дабірацца да сваіх дамоў. Гэтыя пытанні будуць у цэнтры ўвагі гарадской улады.

Губернатар адзначыў, што пытанні па дарогах узнікаюць. І ў гэтым кірунку ўлады працуюць. У апошнія гады надаецца важнае значэнне добраўпарадкаванню дарог у жылых мікрараёнах, сродкі на іх закладваюцца як у бюджэт, так і ў іншыя праграмы. Паступова пытанні вырашаюцца, хоць такіх «дарожных» адрасоў нямала. Па-ранейшаму больш за палову зваротаў датычыцца жыллёва-камунальнай гаспадаркі, ёсць пытанні і ў сферы жыллёвага будаўніцтва, наконт магчымасці набыцця жылля, крэдытавання.

— Людзі хочуць будавацца, і трэба ім у гэтым садзейнічаць. Добра, што ў краіне прымаецца нямала заканадаўчых актаў, накіраваных на рашэнне гэтай праблемы, — падкрэсліў Уладзімір Краўцоў.

Старшыня аблвыканкама паведаміў, што сёлета, дзякуючы планамернай, мэтанакіраванай рабоце ўсіх галін улады, колькасць зваротаў зменшылася на дзесяць працэнтаў.

— У канцы года мы традыцыйна падводзім вынікі, у тым ліку па такой важнай частцы дзейнасці органаў выканаўчай улады, як работа са зваротамі грамадзян. Увайшлі ў практыку прамыя тэлефонныя лініі, якія даюць магчымасць жывой гутаркі з чалавекам, у якім бы кутку вобласці ён ні пражываў. Дзякуючы такім зносінам вырашаюцца пытанні, якія па-сапраўднаму хвалююць людзей, — падкрэсліў Уладзімір Краўцоў.

Маргарыта УШКЕВІЧ

Загаловак у газеце: Пільная ўвага — на добраўпарадкаванне

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.