У Беларусі ўстанавілі пералік абавязковых для аптэк беларускіх і расійскіх лекаў, паведамляецца на Нацыянальным прававым інтэрнэт-партале Беларусі. Пералік усталяваны пастановай Міністэрства аховы здароўя ад 10 снежня 2018 года № 92. У пераліку - больш за 240 найменняў лекаў 13 анатамічных груп.
Напрыклад, для стрававальнага тракта і абмену рэчываў у ліку іншага пазначаны амепразол, дратаверын, спазматон, ніфураксазід, лаперамід і іншыя. Для крыві і крывятворных органаў - ацэтыльсаліцылавая кіслата, фалійная кіслата і іншыя. Для сардэчна-сасудзістай сістэмы - гліцэрыл трынітрат, валідол, мельдоній, фурасемід, гепарын і іншыя. Сярод дэрматалагічных сродкаў - міканазол, ністацін, мецілурацыл і іншыя.
Для мачапалавой сістэмы і сярод палавых гармонаў пазначаны хлоргексідзін, фуразалідон і іншыя; сярод антыінфекцыйных сродкаў для сістэмнага прымянення - даксіцыклін, амаксіцылін, флуканазол, ацыклавір і іншыя. Сярод проціпухлінных і імунамадулюючых сродкаў - інтэрферон альфа-2b; для касцёва-мышачнай сістэмы - глюказамін, ібупрафен, німесулід, кетаралак і іншыя; для нервовай сістэмы - лідокаін, ангрымакс, парацэтамол, цытрамон-барымед, вінпацэцін, пірацэтам, гліцын і іншыя.
Сярод супрацьпаразітных сродкаў, інсектыцыдаў і рэпелентаў - метранідазол, пірантэл і іншыя; для дыхальнай сістэмы - аксіметазалін, рынацыл, амбраксол, ларатадзін і іншыя; для лячэння захворванняў органаў пачуццяў - вочныя кроплі левафлаксацын, дыклафенак, сляза штучная і іншыя.
Дакумент уступае ў сілу праз месяц пасля яго афіцыйнага апублікавання.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
