Вы тут

«Тораў» становіцца больш


Сёння на ўзбраенне 1146-ага гвардзейскага зенітнага ракетнага палка Ваенна-паветраных Сіл і войск проціпаветранай абароны Узброеных Сіл Беларусі паступіла пятая батарэя зенітна-ракетнага комплексу «Тор-М2». Ключы ад новай тэхнікі асабістаму саставу ўручыў Міністр абароны Андрэй Раўкоў.


— Да 2020 года дзейнічае план будаўніцтва і развіцця Узброеных Сіл, — зазначыў Андрэй Раўкоў. — Каб павялічыць баявы кампанент, была закуплена чарговая батарэя зенітна-ракетнага комплексу «Тор-М2». Па накірунках абароненасці ад перашкод, манеўранасці, шматканальнасці, паражэнні малапрыкметных цэляў, па спектры вышынь і хуткасцяў, на якіх ён здольны збіваць гэтыя цэлі, ён з'яўляецца найбольш эфектыўным у свеце. Комплекс паказвае сябе выдатна на ўсіх вучэннях. Асабісты састаў палка падрыхтаваны належным чынам, яго вучылі працаваць менавіта на гэтым комплексе. Таму паветраную прастору на паўночна-заходнім аператыўным кірунку ён прыкрывае выдатна, як і размешчаную побач Беларускую АЭС.

Камандуючы ваенна-паветранымі сіламі і войскамі ППА Ігар Голуб крыху расказаў пра комплекс.

— Адна баявая машына здольная ў аўтаматычным рэжыме суправадзіць, захапіць і паразіць чатыры паветраныя цэлі. Батарэя, якую мы сёння атрымалі, — гэта 16 патэнцыйна збітых цэляў. Усе цэлі — беспілотныя лятальныя апараты, ракеты на малых вышынях і іншыя — былі паражаны падчас праверкі тактыка-тэхнічных характарыстык.

Зусім нядаўна, 1 снежня, «Торы» заступілі на баявое дзяжурства.

Валяр'ян ШКЛЕННІК

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.