Вы тут

Што адбылося за тыдзень у Савеце Рэспублікі


Адзначаючы па заслугах

Спікер верхняй палаты беларускага парламента прыняў удзел ва ўрачыстым мерапрыемстве, прымеркаваным да 100-годдзя БелТА.

Міхаіл Мясніковіч павіншаваў Беларускае тэлеграфнае агенцтва са святам. «За гэтай юбілейнай датай — велізарная праца высокапрафесійных журналістаў, людзей актыўных і творчых, людзей дзяржаўных. Дзякуючы кампетэнтнасці і прыстойнасці тых, хто працаваў у агенцтве раней, і тых, хто працуе сёння, БелТА заваявала павагу і аўтарытэт, стала надзейнай крыніцай аператыўнай і аб'ектыўнай інфармацыі пра падзеі ў Рэспубліцы Беларусь і за яе межамі», — цытуе яго словы прэс-служба верхняй палаты беларускага парламента.

За гады існавання агенцтвам назапашаны багатыя і ўнікальныя архівы, фота- і відэаматэрыялы, якія сталі жывой ілюстрацыяй гісторыі нашай краіны. «Выдатна, што агенцтва не стаіць на месцы, не здавольваецца дасягнутым, а ўдасканальвае сваю працу, укараняе сучасныя тэхналогіі, запускае новыя праекты», — дадаў старшыня Савета Рэспублікі.

Міхаіл Мясніковіч уручыў калектыву агенцтва Ганаровую грамату Нацыянальнага сходу Рэспублікі Беларусь.


Узнагароды — за справу

Старшыня Савета Рэспублікі Нацыянальнага сходу Рэспублікі Беларусь Міхаіл Мясніковіч правёў цырымонію ўзнагароджання памятнымі знакамі V Форуму рэгіёнаў Беларусі і Расіі.

У пачатку цырымоніі намесніку старшыні Савета Рэспублікі Марыяне Шчоткінай уручаны ордэн Міжпарламенцкай Асамблеі дзяржаў — удзельніц Садружнасці Незалежных Дзяржаў «Садружнасць». Гэтая ўзнагарода прысуджаецца за ўнёсак у развіццё і ўмацаванне сяброўства паміж народамі краін СНД, паведамляе сайт Савета Рэспублікі.

Нагрудныя знакі ўручаны старшыні канцэрна «Беллегпрам» Мікалаю Яфімчыку, старшыні Віцебскага абласнога Савета дэпутатаў Уладзіміру Цярэнцьеву, Андрэю Шорцу і кіраўніку кампаніі «Адані» Уладзіміру Лінёву. Узнагароды прысуджаны за актыўны ўдзел у арганізацыі і правядзенні Форуму рэгіёнаў Беларусі і Расіі, вялікі ўнёсак ва ўмацаванне беларуска-расійскіх адносін.


Бюджэт, роўмінг і адзіная прастора

Старшыні пастаянных камісій Савета Рэспублікі Ала Бодак, Аляксандр Папкоў, Віктар Сірэнка і Сяргей Рахманаў прынялі ўдзел у пасяджэнні 55-й сесіі Парламенцкага сходу Саюза Беларусі і Расіі, якое прайшло ў Маскве ў мінулую суботу, 22 снежня.

Парламенцкі сход прыняў у другім чытанні бюджэт Саюзнай дзяржавы на 2019 год. Акрамя гэтага, саюзныя парламентарыі прынялі шэраг іншых бюджэтных рашэнняў, план міжнароднай дзейнасці і план-графік работы Парламенцкага сходу ў наступным годзе. На «ўрадавай гадзіне» была заслухана інфармацыя аб фарміраванні і функцыянаванні адзінай навукова-тэхналагічнай прасторы, а таксама пытанне адмены роўмінгу на тэрыторыі Саюзнай дзяржавы.

Наступная, 56-я, сесія Парламенцкага сходу Саюза Беларусі і Расіі пройдзе ў Беларусі.

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.