Вы тут

...І складзецца кніжны збор


Літаратары Гомельшчыны адгукнуліся на зварот старшыні Гомельскага абласнога аддзялення Саюза пісьменнікаў Беларусі Уладзіміра Гаўрыловіча ўзяць удзел у дабрачыннай акцыі «Кнігі для Клімаўскай сельскай бібліятэкі».


Загадчыца бібліятэкі Антаніна Жыгалава і старшыня Гомельскага абласнога аддзялення СПБ Уладзімір Гаўрыловіч.

Так сталася, што падчас пажару бібліятэка была пашкоджана, пацярпеў і кніжны фонд. Дарэчы, Клімаўская сельская бібліятэка — адна з лепшых і ў раёне, і на Гомельшчыне. Дзякуючы яе загадчыцы Антаніне Жыгалавай, тут часта ладзіліся літаратурныя святы, у тым ліку і з удзелам пісьменнікаў.

Пачуўшы пра бяду, кіраўніцтва абласнога аддзялення вырашыла падтрымаць як установу культуры, так і яе апантанага загадчыка.

— Да акцыі далучыліся больш як 30 творцаў і прынеслі ў офіс аддзялення каля 800 цікавых выданняў з уласных бібліятэк, — адзначыў Уладзімір Гаўрыловіч. — Некаторыя літаратары падаравалі кніжніцы ўласныя кнігі з аўтографамі. Некалькі аўтараў асабіста перадалі кнігі сельскай бібліятэцы. Акцыя будзе працягнута.

Савет абласнога аддзялення Саюза пісьменнікаў Беларусі звярнуўся з просьбай падтрымаць кніжніцу як у Прэзідыум Саюза пісьменнікаў Беларусі, так і ва ўсе абласныя арганізацыі творчага саюза. І гэтая просьба гамяльчан была пачута. Выданні для папаўнення кніжнага фонду сельскай бібліятэкі цяпер збіраюцца ў Мінску, у апараце СПБ. А ў лютым, пасля Міжнароднай кніжнай выстаўкі, у якой возьмуць удзел і літаратары Гомельшчыны са сваёй прэзентацыяй, бібліятэчка, сабраная намаганнямі творчай пісьменніцкай сям’і краіны, будзе дастаўлена ў Гомель, а пасля — ва ўжо адрамантаваную бібліятэку. Там, як адзначыў кіраўнік абласнога аддзялення СПБ, запланавана правесці вялікае кніжнае свята для вясковых чытачоў з удзелам вядучых літаратараў Гомельшчыны.

Дзяніс ІВАНОЎ, фота аўтара

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».