Вы тут

Калі ў доме мусяць праводзіць капітальны рамонт?


«У 1998 годзе праводзіўся капітальны рамонт нашага дома, выдзяляліся сродкі на замену вокнаў, аднак самой замены не было. Адкуль пытанне першае: дзе вокны? Другое: дзесяцігоддзямі мы штомесяц робім адлічэнні на капітальны рамонт. Куды ідуць гэтыя грошы, калі рамонту 20 гадоў не было і ў наступныя 10, відаць, не будзе?» — пытаў у сваім лісце ў рэдакцыю С. М. Карабухін.

Зварот мінчаніна быў накіраваны ў адміністрацыю Фрунзенскага раёна Мінска, адкуль паведамілі наступнае: «Дзяржаўнае прадпрыемства «Жыллёвая камунальная гаспадарка № 2» (далей — ЖКГ № 2) арганізоўвае работы па капітальным рамонце ў адпаведнасці з Праграмай капітальнага рамонту жыллёвага фонду, распрацаванай РУП «Інстытут «Белжылпраект» на 2016—2020 гады (далей — Праграма) на падставе тэхнічнага задання ЖКГ № 2. Праграма з'яўляецца асноўным дакументам для фарміравання бягучых графікаў капітальнага рамонту па выніках фактычнага выканання плана рамонтна-будаўнічых і праектных работ у папярэдні перыяд. Згодна з Праграмай капітальны рамонт жылога дома № 26 па вул. Прытыцкага не ўключаны ў пералік аб'ектаў капітальнага рамонту жыллёвага фонду ЖКГ № 2, бо праведзены ў 1996—1998 гадах у адпаведнасці з патрабаваннямі заканадаўства і будаўнічых нормаў, якія дзейнічалі ў той перыяд часу.

Зараз капітальны рамонт праводзіцца ў жылых дамах 1974—1975 гадоў пабудовы.

Згодна з Палажэннем аб парадку разлікаў і ўнясення платы за жыллёва-камунальныя паслугі і платы за карыстанне жылымі памяшканнямі дзяржаўнага жыллёвага фонду, зацверджаным пастановай Савета Міністраў Рэспублікі Беларусь ад 12 ліпеня 2014 г. № 571 (далей — Палажэнне), плата за капітальны рамонт у шматкватэрным жылым доме ўносіцца плацельшчыкам жыллёва-камунальных паслуг штомесяц для кампенсацыі выдаткаў па капітальным рамонце ў долі суразмерна агульнай плошчы жылых памяшканняў, якія яму належаць і (або) ім займаюцца, — па тарыфах для насельніцтва, якія субсідуюцца.

Згодна з п. 27 Палажэння сродкі ад унясення плацельшчыкамі жыллёва-камунальных паслуг платы за капітальны рамонт залічваюцца на спецыяльныя рахункі, адкрытыя (якія адкрываюцца) мясцовымі выканаўчымі і распарадчымі органамі, альбо на рахункі таварыстваў уласнікаў і арганізацый забудоўшчыкаў у мэтах акумулявання гэтых сродкаў для будучага фінансавання і (або) пакрыцця выдаткаў на правядзенне капітальнага рамонту жылых дамоў.

Сродкі, атрыманыя ад унясення платы за капітальны рамонт, маюць мэтавае прызначэнне і накіроўваюцца на мэты, устаноўленыя заканадаўствам, а таксама на плату і ўзнагароджанне банка за абслугоўванне рахункаў, адкрытых для акумулявання сродкаў ад унясення платы за капітальны рамонт.

Працэс выканання работ на аб'ектах капітальнага рамонту ажыццяўляецца бесперапынна, цэлы год і без адсялення грамадзян. Сістэма арганізацыі капітальнага рамонту з'яўляецца размеркавальнай і не мае на ўвазе назапашванне сродкаў, якія адлічваюцца грамадзянамі, у тым ліку і адлічэнне на капітальны рамонт ад уласнікаў нежылых памяшканняў, якія знаходзяцца ў жылых дамах. Гэтыя сродкі ўвесь час знаходзяцца ў абароце, г. зн. пры паступленні на спецыяльны (разліковы) рахунак ЖКГ № 2 накіроўваюцца на разлікі з падраднымі арганізацыямі, што забяспечвае пастаяннае штогадовае выкананне работ па капітальным рамонце жыллёвага фонду.

Згодна з п. 26 Палажэння занесеная плацельшчыкамі жыллёва-камунальных паслуг плата за капітальны рамонт вяртанню не падлягае.

У ходзе сустрэчы, праведзенай у адміністрацыі Фрунзенскага раёна, заяўніку дадзены тлумачэнні па ўсіх пытаннях, якія яго цікавяць.»

Выбар рэдакцыі

Грамадства

Успаміны бортмеханіка верталёта пра Афганістан

Успаміны бортмеханіка верталёта пра Афганістан

У лётнай кніжцы Сяргея Пацкевіча — 970 гадзін налёту.