Вы тут

Аптэчная сетка прапануе работу актыўным пенсіянерам


Чым старэйшы становіцца чалавек, тым больш ён адчувае сябе выключаным з грамадскага жыцця і тым часцей сутыкаецца з паблажлівым стаўленнем з боку маладзейшых, асабліва калі ён ужо не працуе. Многія і хацелі б знайсці работу на пенсіі, але пажылым людзям зрабіць гэта вельмі няпроста. Менавіта таму адна з аптэчных сетак вырашыла запусціць доўгатэрміновы праект «Старэйшы спецыяліст» і працаўладкоўваць людзей старэйшых за 50, якім з-за ўзросту адмаўляюць у рабоце.


«Аб'яўляем вакансію для мудрых правізараў і фармацэўтаў», — заявілі ў аптэчнай сетцы ADEL (холдынг «Аптэка Груп»). Тут гатовыя ўзяць людзей ва ўзросце, якія ўлюбёныя ў сваю прафесію, актыўныя і пазітыўныя. Ад саіскальніка чакаюць, што ён гатовы вучыцца новаму, глядзіць ролікі на «Ютубе», робіць зарадку раніцай і не «штурмуе» халадзільнік па начах. Яшчэ лепш, калі ён «любіць натхняць людзей, гатовы стаць прыкладам для тых, хто пакуль расце». «Нам патрэбен чалавек, які ўсім усё даказаў і цяпер можа проста быць сабой. А на пытанне: «Які час лепшы?» адказвае «У якім я цяпер», — гаворыцца ў вакансіі.

Ад саіскальнікаў патрабуецца закончаная вышэйшая або сярэдняя спецыяльная адукацыя па спецыяльнасці «фармацыя», адпаведныя веды і досвед працы з пакупнікамі. Вітаюцца адказнасць, высокая матывацыя, здольнасць да работы ў камандзе і гатоўнасць да навучання і прафесійнага развіцця.

Прэтэндэнты, якія пройдуць сумоўе, змогуць выбраць нагрузку — ад 0,25 і да 1 стаўкі. Ім таксама падбяруць аптэку блізка да іх дому. Зарплата — да 1500 рублёў у месяц.

«Мы хочам унесці ўклад у павышэнне сацыяльнай актыўнасці людзей старэйшага ўзросту. Вырашаючы адначасова праблему пошуку кваліфікаваных супрацоўнікаў, мы раскрываем патэнцыял і магчымасці людзей старэйшага ўзросту і хочам зруйнаваць існуючыя стэрэатыпы. Упэўнены, што вопыт, веды, погляд на жыццё людзей, якія не жадаюць старэць, будуць карыснымі і неацэннымі як для кампаніі, так і для пакупнікоў», — тлумачаць у аптэчнай сетцы.

Святлана БУСЬКО

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».