Вы тут

Што цікавага паглядзець па тэлебачанні на наступным тыдні


«Зімовы раман»

АНТ, 8 студзеня

Ніна Пятроўна і Сяргей Ільіч жывуць у гарадскіх кватэрах разам з дзецьмі, унукамі і нават праўнукамі, прычым малодшае пакаленне мала цікавяць патрэбы і інтарэсы пажылых сваякоў. Аднойчы тыя выпадкова сустракаюцца ў бістро, знаёмяцца і знаходзяць агульную мову — і едуць жыць на лецішча. Дзеці стараюцца вярнуць «запозненых рамантыкаў» з нябёсаў на зямлю і прымусова адпраўляюць Ніну Пятроўну ў бальніцу, аднак тут у справу ўступаюць унукі, якія вераць у шчырыя пачуцці і гуляюць на баку старых...


«Гэтыя вочы насупраць»

«Беларусь 3», з 8 студзеня

Шматсерыйная гісторыя пра тое, як просты хлопец з Адэсы, які не выконваў камсамольскіх песень, але ў сваім лірычным амплуа стаў улюбёнцам усяго Савецкага Саюза — эстраднай зоркай Валерыем Абадзінскім. Зрэшты, гэтая адметнасць і бескампраміснасць з часам пазбавілі спевака месца пад эстрадным сонцам, і паступова ён увогуле знік. Толькі праз гады верная прыхільніца выпадкова прызнае ў фабрычным вартаўніку свайго куміра і літаральна вяртае таму прагу жыцця і творчыя крылы.


«Самара»

«Беларусь 2», з 9 студзеня

Галоўны персанаж гэтага серыяла — урач хуткай дапамогі Алег Самарын — бунтар і праціўнік усталяваных нормаў, які кпіць з калег ды пацыентаў і папросту спрачаецца з начальствам. Няпросты характар Самары, як называюць яго сябры, кампенсуюць залатыя рукі, бо ён хірург ад Бога, які штодня ратуе чалавечыя жыцці, а часам нават лекуе душы. І ніхто не здагадваецца, што Самарын і сам захоўвае таямніцу, раскрыццё якой пагражае стратай любімай працы. Але ўсё таемнае калі-небудзь робіцца яўным...


«Шанцуе ж людзям!»

МІР,  13 студзеня

Актрыса-пачатковец Соня і малады інжынер Косця варацца кожны ў сваіх праблемах: яна не мае ні годных роляў, ні грошай, ён пакутуе ад рэўнасці нявесты. У перадапошні дзень года, калі татальнае нешанцаванне дасягае крытычнай адзнакі, Соня ледзьве не трапляе пад машыну Косці і памылкова забірае ягоную папку з важнымі дакументамі, і далейшыя непрыемнасці ім давядзецца пераадольваць ужо разам.


«Цуд»

«Беларусь 1», з 8 студзеня

Калі прадстаўніца тусовачнай «залатой моладзі» Аня даведваецца, што цяжарная ад свайго гламурнага бойфрэнда, то без ценю сумневу вырашае пазбавіцца ад такой перашкоды для свайго бестурботнага жыцця. І тут адбываецца неверагоднае — дзіцячы голас з ніадкуль угаворвае захаваць малому жыццё. Тым часам бацька Ані, экс-міністр, аказваецца фігурантам карупцыйнай справы і ўцякае за мяжу, а ўсю яго маёмасць канфіскуюць — і будучая маці, якая раней не працавала ні дня, з дапамогай свайго нябачнага памочніка вымушаная вучыцца па-новаму глядзець на свет...

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.