Вы тут

Раім схадзіць


«Калядныя вечары на Залатой Горцы», Blow up: «Фрэдзі Мерк'юры: Вялікі прытворшчык», фестываль батлеечных і лялечных тэатраў «Нябёсы» – афіша «Звязды» з 7 па 13 студзеня.


«Калядныя вечары на Залатой Горцы»

Дзе: Касцёл Святога Роха, пр-т Незалежнасці, 44А

Калі: 12 студзеня ў 20:00

Колькі каштуе: бясплатна

На заключных "Калядных вечарах" чакаецца выступленне ансамбля "Bon voyage": Вольга Перагуд (сапрана), Эла Іванова (скрыпка), Наталля Грудзіна (віяланчэль), Елізавета Вільчык (флейта), Наталля Кірпічэнка (клавішы), Ганна Белановіч (гітара). У праграме: А.Вівальдзі, І.С.Бах, Э.Віла-Лобас, А.Тофт, А.П'яцола, М.Э.Боссі, Э.Меларцін.


Калядны кірмаш на Кастрычніцкай плошчы

Фота: Tut.by

Дзе: Кастрычніцкая плошча

Калі: па 15 студзеня

Колькі каштуе: бясплатна:

На плошчы ўсталяваны 12 шкляных гандлёвых павільёнаў у выглядзе сотаў. У іх рэалізоўваецца сувенірная прадукцыя, выпечка і гарачыя напоі (чай, кава, глінтвейн).

Кірмаш на Кастрычніцкай плошчы ў новым фармаце будзе доўжыцца па 15 студзеня. Таксама з 15 снежня па 15 студзеня будзе працаваць «Калядны кiрмаш» каля Палаца спорту.


Blow up: «Фрэдзі Мерк'юры: Вялікі прытворшчык»

 Дзе: НЦСМ, вул. Някрасава, 3

Калі: 9 студзеня ў 19:00

Колькі каштуе: удакладняць у касе

Дыскусійны клуб і адукацыйная праграма BLOWUP Нацыянальнага цэнтра сучасных мастацтваў Рэспублікі Беларусь працягвае сваю працу ў новым 2019 годзе з прагляду і абмеркавання дакументальнага фільма пра адну з знакамітых легенд рок-сцэны 20 стагоддзя. Фільм Рыза Томаса «Фрэдзі Мэрк'юры: Вялікі прытворшчык» (2012) дэманструе гледачам сольныя праекты легендарнага рок-музыкі.

У фільме выкарыстана вялікая колькасць раней невядомых архіўных відэазапісаў і інтэрв'ю. Фільм Рыза Томаса стварае вобраз зусім іншага героя, адрознага ад ладу яркай рок-знакамітасці. У рэальным жыцці Фрэдзі быў вельмі сціплым, шчырым, шчодрым, добрым чалавекам з дзіўным пачуццём гумару і непераадольнай любоўю да музыкі. Матэрыяльны дастатак не ўяўляў каштоўнасці для музыканта і ён шчодра дзяліўся грашыма з сябрамі і сваякамі, не шкадуючы для блізкіх нічога ...

Працягласць фільма: 1 гадз. 24 хв.

Уваход на праграмы дыскусійнага клуба BLOWUP па ўваходным білеце на экспазіцыю 1 паверха.


Майстар-клас «Асабісты брэнд. Пакрокавае кіраўніцтва да дзеяння»

Дзе: Imaguru, вул. Фабрыцыуса, 4

Калі: 10 студзеня ў 19:00

Колькі каштуе: 15 рублёў, патрэбная рэгістрацыя

Цэнтр асабістага брэндынгу і матывацыі Наталлі Берташ "Чароўны пендаль" - аўтарскі праект сертыфікаванага маркетолага, журналіста, PR-спецыяліста, эксперта ў сферы асабістага брэндынгу Наталлі Берташ. Майстар-клас "Асабісты брэнд. Пакрокавае кіраўніцтва да дзеяння" - 1,5 гадзіны актуальнай інфармацыі і практычных практыкаванняў па аўтарскай методыцы пабудовы персанальнага брэнда і павелічэння эфектыўнасці вашай справы:

  • што такое асабісты брэнд: каму ён патрэбны, а каму - не;
  • чаму асабісты брэнд - гэта не PR-інструмент, а сапраўдная маркетынгавая стратэгія імя сябе;
  • асабісты брэнд - гэта не толькі пра сацсетку і выбар правільнага гальштука;
  • формула і этапы пабудовы Я-брэнда;
  • на чым будуецца падмурак асабістага брэнда;
  • што такое персанальны брэнд-бук;
  • 7 інструментаў для актывацыі асабістага брэнда, якія вы зможаце прымяніць адразу ж пасля МК.

Майстар клас арыентаваны на ўладальнікаў бізнесу і індывідуальных прадпрымальнікаў., топ-менеджараў, фрылансераў, прафесіяналаў сваёй справы, якія імкнуцца прыйсці да кропкі "эксперт", пачаткоўцаў спецыялістаў, якія сапраўды ведаюць, у якой сферы хочуць развівацца.


Аголеныя пачуцці. Сакральныя Сэнс

Калі: па 13 студзеня

Дзе: Нацыянальны мастацкі музей Рэспублікі Беларусь, вул. Леніна, 20

Колькі каштуе: 8 руб.

Уладзімір Кожух – выдатны жывапісец, тонкі каларыст, які дасканала валодаў малюнкам. Яго жывапісным творам уласціва кампазіцыйная завершанасць, абагульненасць вобразаў, філасафічнасць і метафарычнасць аўтарскага мыслення. Яму падуладны былі як тэматычная карціна, так і пейзаж, нацюрморт, партрэт… Але за гэтай віртуознай лёгкасцю скрывалася шматгадовая мастацкая адукацыя і штодзённая, без выхадных і свят, напружаная праца аўтара за мальбертам, сам-насам з чыстым палатном.

Ужо болей за год таму Майстар заўчасна пайшоў з жыцця. У гэтым годзе яму б споўнілася 65… Рэтраспектыўная выстава “Аголеныя пачуцці. Сакральны сэнс” – гэта даніна памяці і павагі да таленту мастака з боку калег, сяброў, родных, аматараў яго мастацтва. У адзінай экспазіцыйнай прасторы будуць прадстаўлены творы Уладзіміра Кожуха 1980-х–2010-х гадоў з фондаў Нацыянальнага мастацкага музея Рэспублікі Беларусь, Нацыянальнага цэнтра сучасных мастацтваў Рэспублікі Беларусь, Беларускага саюза мастакоў, Гісторыка-культурнага музея-запаведніка “Заслаўе”, Дзяржаўнага літаратурнага музея Янкі Купалы, карпаратыўнай калекцыі ААТ “Пріорбанк”, а таксама з прыватных збораў і калекцыі сям’і.

Творчасць Майстра заўсёды адрознівалася вялікай мастацка-сацыяльнай і філасофскай напоўненасцю. На выставе будуць прадстаўлены яго знакавыя творы, прысвечаныя сацыяльнай тэматыцы, тэме вайны, нацыянальнага адраджэння, хрысціянства, народным святам, беларускаму краявіду, вобразу жанчыны, Мастака і Музы.


Пяты міжнародны Калядны фестываль батлеечных і лялечных тэатраў «Нябёсы»

Дзе: Свята-Елісавецінскі манастыр, вул. Выгоцкага, 5

Калі: з 10 па 13 студзеня

Колькі каштуе: уваход за ахвяраванi

Сёлета заяўкі на ўдзел у ім паступілі ад 40 калектываў, прычым больш за палову – прадстаўнікі блізкага і далёкага замежжа. Для конкурснай праграмы арганізатары абралі толькі 15 найлепшых тэатраў – з Беларусі, Расіі, Украіны, Эстоніі і Літвы.

Прафесійнае журы, у якое ўваходзяць акцёры, тэатральныя крытыкі, мастацтвазнаўцы і выкладчыкі і навукоўцы, ацэніць прадстаўленыя спектаклі і вызначыць найлепшых у некалькіх намінацыях – "За лепшы спектакль" (Гран-пры), "За лепшы дэбют", "За лепшае мастацкае афармленне батлеечнай скрыні", "За сучаснае рашэнне традыцыйнай тэмы" і іншых.

Акрамя ўласна спектакляў, у адукацыйным цэнтры Свята-Елісавецінскага манастыра 9 студзеня будзе працаваць ужо трэцяя па ліку Школа батлейкі – семінар-практыкум, які дапамагае энтузіястам удасканальваць і развіваць мастацтва батлейкі ў сваіх рэгіёнах. Традыцыйная дабрачынная акцыя "Святло душы – дабрадзейнасць", што стартавала яшчэ ў кастрычніку мінулага года, разам з тэатральнымі пастаноўкамі зноў прынясе часцінку дабрыні і святочнага  настрою людзям, якія знаходзяцца ў бальніцах, дамах-інтэрнатах і дамах састарэлых. Таксама падчас фэсту пройдуць тэматычныя круглыя сталы, выставы і творчыя сустрэчы, майстар-класы для маленькіх гледачоў, якія змогуць паспрабаваць свае сілы ў якасці лялечнікаў, мастакоў альбо рамеснікаў па вырабе лялек і разнастайных калядных элементаў.

На спектаклі конкурснай праграмы ўсе ахвотныя змогуць трапіць, папярэдне запісаўшыся па тэлефонах 8 (044) 04 94 54, ‎8 (029) 757 14 37 (з 9 да 18 гадзін). Падрабязна з раскладам спектакляў можна пазнаёміцца на афіцыйным сайце мерапрыемства.

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.