Вы тут

300 дзетак з Гомельскай вобласці наведалі юбілейную «Калядную ёлку»


Юбілейная 25-я «Калядная ёлка — нашы дзеці» заззяла ўчора ў Свята-Духавым кафедральным саборы для 300 дзетак з Гомельскай вобласці. Мітрапаліт Мінскі і Заслаўскі Павел правёў Калядную літургію і блаславіў усіх прысутных.


Хлопчыкі і дзяўчынкі, запрошаныя на свята, парадавалі Уладыку песнямі, вершамі ды самаробнымі сувенірамі. Вядома, не абышлося і без каляднага пірага з 25 свечкамі, агульных фотаздымкаў і шчырых слоў.

Ансамбль «Церніца», які ў самыя цяжкія гады даў каля тысячы канцэртаў на землях, што пацярпелі ад чарнобыльскай аварыі, выканаў песню «Святы вечар на зямлі». Менавіта гэты калектыў 25 гадоў таму адкрываў і самую першую калядную ёлку, арганізаваную БРСМ і царквой. «Хай анёлы Гасподні ахаваюць ад нягод, хай шчаслівым і удалым будзе гэты новы год», пажадалі артысты ўсім прысутным.

Свае творчыя пажаданні-віншаванні прывезлі і юныя артысты з ансамбля «Мілавіца» Буда-Кашалёўскага раёна, ансамбля «Верасок» з Хойнік. Далучыліся да свята і дзеці з Мазыра, Івянца, Лельчыц, Калінкавіч, выхаванцы ліцэя Міністэрства па надзвычайных сітуацыях.

А госці з пасёлка Вішнёўка, які стаў новай радзімай перасяленцам з розных раёнаў краіны, запрасілі да сябе, каб паказаць, як вырас парк, дрэвы ў якім 15 гадоў таму саджалі прадстаўнікі з усіх пацярпелых ад аварыі раёнаў.

— Штораз я асабліва перажываю сустрэчу з дзецьмі з чарнобыльскай тэрыторыі. Сёння, калі бачу іх твары і чую іх галасы, мне здаецца, што там, на той зямлі, асаблівая атмасфера, — заўважыў Уладыка Павел. — Гэта характар нашага народа, ён непераможны і незразумелы для многіх заходніх людзей. Чалавек, які не верыць у Бога, даўно б пакінуў гэту зямлю. А нашы людзі там жывуць, працуюць і працвітаюць. Звярніце ўвагу, якая сіла духу ў гэтых людзей. Наш народ непераможны, калі ён такую бяду змог перажыць, — усе разам, з Божай дапамогай.

Мітрапаліт Павел пажадаў гасцям храма навучыцца за ўсё дзякаваць Богу, а не звяртацца да яго толькі тады, калі нешта здарылася.

Ірына СІДАРОК,
фота Андрэя САЗОНАВА

Загаловак у газеце: Хай беражэ вас ад бяды святло каляднай зоркі

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.