Вы тут

Фінансаванне дзіцячых садкоў будзе «прывязана» да колькасці выхаванцаў


У 2019 годзе ўрад запускае пілотны праект па апрабацыі нарматыўнага фінансавання дзяржаўных устаноў дашкольнай адукацыі. Ён накіраваны на ўдасканаленне бюджэтнага фінансавання ў галіне адукацыі. Сутнасць новай схемы — фінансаванне дзіцячых садкоў будзе «прывязвацца» да колькасці выхаванцаў.


Пілотны праект ахопіць дзяржаўныя ўстановы дашкольнай адукацыі, якія функцыянуюць на тэрыторыі Баранавіч, Віцебска, Гомеля, Магілёва, Лідскага, Слонімскага і Салігорскага раёнаў, а таксама ў Першамайскім раёне сталіцы.

Пастановай вызначаны базавы нарматыў для выхаванцаў устаноў дашкольнай адукацыі, размешчаных у гарадах, пасёлках гарадскога тыпу, у памеры 1943,65 рубля ў год, у сельскіх населеных пунктах — у памеры 2423,08 рубля ў год, і карэктуючыя каэфіцыенты, якія прымяняюцца да базавага нарматыву. У прыватнасці, каэфіцыент залежыць ад тыпу групы, якую наведвае выхаванец (санаторная, спецыяльная, група інтэграванага навучання і выхавання, пункт карэкцыйна-педагагічнай дапамогі), ад колькасці выхаванцаў (для дашкольных устаноў з рознай напаўняльнясцю прымяняюцца розныя карэктуючыя каэфіцыенты). Каэфіцыенты залежаць таксама і ад працягласці знаходжання дзяцей ва ўстанове дашкольнай адукацыі (гэта можа быць 10,5, 12 ці 24 гадзіны або група кароткатэрміновага знаходжання). Пад увагу бярэцца і магчымасць наведвання ў дашкольнай установе басейна.

Мясцовыя Саветы дэпутатаў маюць права павялічваць аб'ём бюджэтных сродкаў пры наяўнасці крыніц пакрыцця такіх выдаткаў.

Міністэрству адукацыі даручана да 1 лютага 2020 года прадставіць у Савет Міністраў справаздачу аб выніках рэалізацыі пілотнага праекта.

Надзея НІКАЛАЕВА

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.