Вы тут

У Беларусі рэгіструюцца адзінкавыя выпадкі грыпу


У Беларусі выяўляюцца адзінкавыя яго выпадкі, а ў Грузіі і Украіне тым часам ёсць памерлыя ад ускладненняў

Узровень захваральнасці вострымі рэспіраторнымі захворваннямі і вірусам грыпу ў краіне застаецца на нізкім узроўні. Рэгіструюцца адзінкавыя спарадычныя выпадкі грыпу.


— Апошнім часам у жыхароў Беларусі штогод рэгіструецца каля 2 мільёнаў эпізодаў вострых рэспіраторных інфекцый. З іх тры чвэрці выпадкаў — звычайныя прастуды ці вострыя рэспіраторныя інфекцыі, — расказала загадчык аддзела пульманалогіі і хірургічных метадаў лячэння хвароб органаў дыхання РНПЦ пульманалогіі і фтызіятрыі Алена
ДАВІДОЎСКАЯ.
— Прычым, трэць усіх выпадкаў здараецца менавіта ў зімовы перыяд.

Яна адзначыла, што ў беларусаў штогод рэгіструецца да 50 тысяч выпадкаў пнеўманій, і трэць з іх — таксама ў зімова-веснавы перыяд. Прычына ўзнікнення гэтага бактэрыяльнага ўскладнення — як правіла, вострая рэспіраторная інфекцыя.

— Перыяд з пачатку студзеня і да сакавіка, нават да красавіка традыцыйна лічыцца часам пад'ёму захваральнасці на вострыя рэспіраторныя захворванні і грып. Сёлета пакуль іх узровень нізкі. У апошні каляндарны тыдзень увогуле колькасць захварэлых крыху знізілася, — дадала намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна КАРАБАН. — Выпадкаў грыпу пакуль няшмат, гэта пераважна штамы A(H1N1) і A(H3N2). І выяўляюцца яны ў тых, хто не зрабіў прышчэпку.

Тым часам у Грузіі, а таксама ва Украіне ўжо зарэгістраваны смяротныя выпадкі ў выніку ўскладненняў грыпу A(H1N1), які яшчэ называюць свіным.

— Найперш няправільна лічыць гэты грып свіным. З 2009 года, калі адбылася маштабная пандэмія, ён стаў чалавечым, — падкрэсліла Іна Карабан. — У Грузіі і Украіне нізкі ахоп прышчэпкамі, з чым і звязана шырокае распаўсюджанне грыпу і ўскладненняў. Як паказваюць лічбы, цяжкія формы вострых рэспіраторных інфекцый развіваюцца менавіта ў невакцыянаваных пацыентаў — у 98 % выпадкаў.

Таму адзіны эфектыўны спосаб спецыфічнай прафілактыкі — вакцынацыя. Летась, напрыклад, не было ніводнага выпадку пнеўманіі ў пацыентаў, якія атрымалі прышчэпкі супраць грыпу.

Іна Карабан адзначыла, што вакцыянаваны чалавек калі і захварэе грыпам, то ў вельмі лёгкай форме. Дарэчы, прышчэпкі ад грыпу сёлета атрымала 40,6 % беларусаў.

Каб не захварэць грыпам, калі вы не маеце прышчэпкі, спецыялісты раяць абмяжоўваць свае кантакты, больш часу праводзіць на свежым паветры, часцей праветрываць памяшканне і рабіць яго вільготную ўборку. Аптымальная тэмпература ў пакоі — не больш за 20 градусаў, пры ёй вірус не мае шанцаў распаўсюджвацца. Слізістая носа павінна ўвесь час быць вільготнай. Калі вы захварэлі, важна знаходзіцца ў цяпле, больш піць і памятаць, што павышэнне тэмпературы цела — ахоўная рэакцыя арганізма. Прымаючы парацэтамол пры тэмпературы 37,5 градуса, вы часова аблягчаеце свой стан, але садзейнічаеце больш працягламу перыяду хваробы, нагадваюць медыкі.

Алена КРАВЕЦ

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.