Вы тут

Хутка невідушчым людзям плануецца бясплатна раздаць Wеbbох 3


У нашай краіне ў хуткім часе людзям з інваліднасцю па зроку стануць даступнымі электронныя версіі друкаваных сродкаў масавай інфармацыі і тэлебачання.


У найбліжэйшы час невідушчым людзям плануецца бясплатна раздаць мультымедыйныя прайгравальнікі (плэеры) Wеbbох 3 — універсальны і просты ў выкарыстанні інструмент для атрымання разнапланавай інфармацыі.

— Сярод невідушчых ёсць група прасунутых людзей, якія маюць доступ да навінавых і інфармацыйных рэсурсаў з дапамогай камп'ютараў і смартфонаў. Але такіх, напэўна, працэнтаў 20, — адзначыў на семінары «Штодзённы незалежны безбар'ерны доступ да інфармацыі для невідушчых у Беларусі» намеснік старшыні Цэнтральнага праўлення Беларускага таварыства інвалідаў па зроку Міхаіл Антоненка. — А 80 % людзей, у асноўным сярэдняга і сталага веку, як правіла, не валодаюць неабходнымі для гэтага навыкамі. З аднаго боку, мы кажам пра тое, што чалавек павінен пастаянна ўдасканальвацца і набываць неабходныя ўменні, тым больш што дзяржава забяспечвае невідушчых людзей смартфонамі, за якія яны плацяць толькі 20 % ад іх кошту. А з другога боку, мы разумеем, што ў кожнага павінен быць выбар, чым карыстацца: нейкай прасунутай праграмай або проста націснуць на кнопачку і таксама атрымаць доступ да інфармацыі.

У мультымедыйнага плэера Wеbbох 3 мінімум налад для карыстальніка. Ён абсталяваны маўленчай функцыяй: гэта значыць усё, што ў звычайных прыладах пішацца на экране, тут прагаворваецца ўголас. Ім можна карыстацца, слухаючы яго і дакранаючыся. «Тут вельмі простае кіраванне — усяго пяць кнопак, — кажа трэнер праекта Аляксандр Еўдакімаў. — Плэер можа прайграваць аўдыяфайлы і гукавую дарожку відэафільмаў, маецца магчымасць работы анлайн і г. д.

Наогул, дадзены інструмент дазволіць невідушчым слухаць трансляцыю тэлевізійных каналаў і радыёстанцый, аўдыякніжкі і навіны з мясцовых газет, інфармацыю з інтэрнэту і з флэшак, нават весці перапіску. Першая партыя мультымедыйных плэераў ужо перададзена людзям з інваліднасцю па зроку не толькі ў Мінску, але і ў іншых рэгіёнах краіны. Яны прайшлі неабходную падрыхтоўку і цяпер самі будуць выступаць у якасці трэнераў — навучаць карыстацца плэерам.

Святлана БУСЬКО

Загаловак у газеце: Навіны для невідушчых

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.