Вы тут

Аплата праезду ў метро цяпер і бескантактавымі карткамі Белкарт-Maestro


З 11 студзеня на турнікетах станцый Мінскага метро можна аплаціць праезд яшчэ і бескантактавымі банкаўскімі картамі Белкарт-Maestro, паведамілі ў прэс-службе метрапалітэна.


Мінскі метрапалітэн сумесна з ААТ “БПС-Сбербанк”, аплатнай сістэмай БелКарт і кампаніяй IBA Group пашырыў магчымасці аплаты праезду бескантактавымі банкаўскімі картамі на турнікетах сталічнага метро. З 11 студзеня трымальнікам банкаўскіх карт аплатнай сістэмы БелКарт (банкаўскія карты БелКарт-Maestro з бескантактавым інтэрфейсам) таксама прадастаўлена магчымасць скарыстацца сэрвісам бескантактавых разлікаў за паездкі ў метро. Кошт праезду аналагічны цане жэтона.

Для аплаты праезду дастаткова паднесці банкаўскую карту да валідатара. Акрамя банкаўскай карты, разлічвацца за праезд можна смартфонам ці іншым гаджэтам (бірулькамі, гадзіннікамі і іншымі прыладамі) з падтрымкай тэхналогіі NFC.

“Звяртаем увагу пасажыраў, што ў 2018 годзе партнёрамі метрапалітэна рэалізаваны механізм аб'яднання некалькіх паспяховых аплат праезду, здзейсненых на працягу 48 гадзін, у адну транзакцыю з адначасовым спісаннем з рахунку трымальніка карты. На дадзеным этапе максімальную колькасць аперацый, якія могуць агрэгавацца ў адну транзакцыю - не больш за тры паспяховыя аплаты праезду. Зыходзячы з дзеючага тарыфу за праезд у метро 65 капеек, сума адной транзакцыі не перавышае 1 рубель 95 капеек", - паведамілі ў банку.

Таксама нагадваем пасажырам, што, каб пазбегнуць непажаданага спісання грашовых сродкаў, неабходна прыкладваць да валідатора толькі тую карту, з дапамогай якой пасажыр жадае аплаціць праезд.

Пры неабходнасці атрымання дадатковай інфармацыі і электронных карт-чэкаў па здзейсненых плацяжах банкаўскай бескантактавай картай на турнікетах метрапалітэна, звяртайцеся на партал paybaycard.by або ў Цэнтр падтрымкі кліентаў кампаніі IBA Group па тэлефоне: +375 17 217-39-50.

Карыстальнікі сэрвісу могуць адсочваць здзейсненыя паездкі, а таксама сумы аплаты па іх у асабістым кабінеце на сайце paybycard.by.

Тэлефон кантакт-цэнтра ААТ “БПС-Сбербанк”: 148”.

Сяргей РАСОЛЬКА

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.