Вы тут

Цікавыя навіны з-за мяжы


71-гадовы Жан-Жак Савен з Францыі адправіўся ў бочцы ў марское падарожжа па Атлантычным акіяне, паведамляе выданне Ouest-France.


Былы ваенны парашутыст і спартсмен-экстрэмал пачаў свой шлях у канцы снежня на судне без вёслаў і рухавіка ад Канарскіх астравоў Эль-Ера. Мужчына ўзяў з сабой у дарогу фуа-гра і віно для святкавання свайго 72-га дня нараджэння, які адбудзецца 14 студзеня. «Я выдатна праводжу час у судне, якое шчасна рухаецца з хуткасцю 2—3 кіламетры ў гадзіну», — сказаў француз. Судна, якое сам Савен называе бочкай, мае даўжыню тры метры і амаль два метры ў дыяметры, важыць 450 кілаграмаў і выканана з вільгацетрывалай фанеры. Унутры капсулы знаходзіцца спальная зона, невялікая кухня і адсек для захоўвання рэчаў. У падлогу ўбудаваны ілюмінатар для назірання за рыбамі. У мінулым мужчына працаваў лесніком і пілотам. Ён разлічвае, што зможа пераадолець 4500 кіламетраў да Карыбаў у сваёй бочцы дзякуючы толькі акіянскім плыням. Савен спадзяецца, што плынь натуральным чынам даставіць яго на Карыбскія астравы да сакавіка 2019 года. Для падарожжа пенсіянер сабраў 60 тысяч еўра з дапамогай краўдфандынга.


У амерыканскім горадзе Хэтфілд, штат Масачусетс, рабаўнік некалькі гадзін хаваўся ад паліцыі на дрэве, паведамляе сайт Masslіve.com.

30-гадовы Майкл Тэйлар уварваўся ў банк і, пагражаючы касіру палкай, забраў грошы, пасля чаго ўцёк на аўтамабілі. Неўзабаве машыну заўважылі на шашы, пазней мужчына даехаў да лесу і пабег у гушчар. Да пошукаў рабаўніка прыцягнулі паліцэйскіх з пяці дэпартаментаў, аперацыя працягвалася суткі і ўвянчалася поспехам толькі выпадкова. Як высветлілася, увесь гэты час мужчына сядзеў на дрэве з мяшком грошай. Яго схапілі, калі пад ім зламалася галіна і ён упаў на зямлю разам са здабычай.


Дзевяцігадоваму хлопчыку з нямецкага горада Цэтэль на паўночным захадзе краіны не спадабаліся атрыманыя падарункі на Каляды, і ён выклікаў паліцыю, паведамляе тэлеканал NDR.

Адзначаецца, што паліцэйскія прыбылі па выкліку ў дом, дзе іх чакаў вельмі сярдзіты хлопчык. Праваахоўнікі параўналі яго спіс жаданых падарункаў з тым, які ляжаў пад каляднай ёлкай, але не знайшлі ні аднаго супадзення. У рэшце рэшт ім удалося спыніць сварку паміж хлопчыкам і яго сям'ёй. Яны растлумачылі малому, што Санта-Клаус, відавочна, з прычыны ўзросту мог пераблытаць падарункі.


У ЗША падлетак глядзеў ноччу серыялы, нягледзячы на забарону маці, і з-за гэтага змог своечасова заўважыць пачатак пажару, паведамляе партал WІVB.

Інцыдэнт адбыўся ў штаце Дэлавэр у пачатку студзеня. Анжэла Бордэр загадала свайму 13-гадоваму сыну Даміру не глядзець серыялы дапазна і ісці спаць. Аднак падлетак не паслухаўся яе, а ў гадзіну ночы адчуў пах дыму. Дамір разбудзіў маці і патэлефанаваў ратавальнікам. Яны разам выбеглі з ахопленага полымем дома. «Не ведаю, дзе мы былі б, калі б ён паслухаў мяне і пайшоў спаць», — прызналася жанчына. Яе муж быў на рабоце ў момант здарэння. Узгаранне адбылося з-за няспраўнасці ў размеркавальным шчыце, дом не падлягае аднаўленню.

Іван КУПАРВАС

Выбар рэдакцыі

Грамадства

Атракцыёны рыхтуюцца да лета. Што робіцца, каб каруселі былі бяспечныя

Атракцыёны рыхтуюцца да лета. Што робіцца, каб каруселі былі бяспечныя

Сярэдзіна красавіка — час, калі сталічныя паркі рыхтуюцца да масавага наведвання. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце. 

Эканоміка

На «ТІБО-2019» Белпошта паказала новыя тэхнічныя цікавінкі

На «ТІБО-2019» Белпошта паказала новыя тэхнічныя цікавінкі

Якія неўзабаве ўвойдуць у прафесійны побыт.

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!