Вы тут

На першынство кантынента па фігурным катанні ў Мінску прадалі 85% білетаў


Аргкамітэт чэмпіянату Еўропы па фігурным катанні выпусціў у продаж дадатковыя месцы на тры заключныя дні мерапрыемства.


— Згодна з першапачатковым планам, мы павінны былі прадаць усе білеты на два асноўныя ўзроўні «Мінск-Арэны», ёмістасць якіх на кожны дзень складае каля дзевяці тысяч месцаў. План ужо выкананы па трох з пяці асноўных дзён чэмпіянату. Таму на іх — пятніцу, суботу, нядзелю — мы выпускаем дадатковыя білеты на верхні ярус арэны. На сераду і чацвер трыбуны запоўнены на 70 %, месцы на ніжніх узроўнях яшчэ ёсць. Сумарна ў нас цяпер прыкладна на 85 % ад планавага ўзроўню продажаў, і гэта вельмі добры вынік, — адзначае Юлія Комлева, старшыня Беларускага саюза канькабежцаў.

Нагадаем, у рамках чэмпіянату Еўропы ў Мінск упершыню прыедуць вядучыя фігурысты кантынента і свету. Сярод іх алімпійская чэмпіёнка Аліна Загітава (Расія), двухразовы чэмпіён свету Хаўер Фернандэс (Іспанія), трохкратныя чэмпіёны свету Габрыэла Пападакіс/Гіём Сізэірон (Францыя) і іншыя.

Цырымонія адкрыцця чэмпіянату адбудзецца 23 студзеня. Спаборніцтвы будуць праходзіць з серады 23 студзеня да суботы 26 студзеня ўключна. 21 і 22 студзеня гледачы змогуць наведаць афіцыйныя трэніроўкі. Закрые чэмпіянат 27 студзеня гала-канцэрт з удзелам прызёраў спаборніцтваў.

Дар'я ЛАБАЖЭВІЧ

Загаловак у газеце: Аншлагу быць!

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.