Вы тут

Пройдзе інтэрнацыянальны Зорны паход па месцах баявой і працоўнай славы


З 28 студзеня па 1 лютага Беларускі дзяржаўны педагагічны ўніверсітэт імя Максіма Танка прыводзіць 54-ы інтэрнацыянальны Зорны паход па месцах баявой і працоўнай славы беларускага народа.


Ён праводзіцца штогод з 1966 года і сёлета прысвечаны 75-годдзю вызвалення Беларусі ад нямецка-фашысцкіх захопнікаў. Дзевяць атрадаў агульнай колькасцю больш за 300 чалавек наведаюць раёны Мінскай, Віцебскай, Гродзенскай і Магілёўскай абласцей.

Удзельнік паходу правядуць мітынгі і ўскладуць памятныя карзіны да мемарыяльных комплексаў, брацкіх магіл салдат і мірных жыхароў, якія загінулі ў гады Вялікай Айчыннай вайны, сустрэнуцца з ветэранамі вайны і працы, акажуць ім шэфскую дапамогу. Таксама яны наведаюць установы адукацыі, дзе правядуць прафарыентацыйныя сустрэчы са старшакласнікамі м выступяць з канцэртамі, арганізуюць майстар-класы, спартыўныя мерапрыемствы.

У паходзе прымуць удзел студэнты БДПУ з Беларусі, Туркменістана, Расіі і Кітая. Разам са студэнтамі і выкладчыкамі БДПУ ў паход таксама адправяцца студэнты і выкладчыкі Бакінскага славянскага ўніверсітэта (Азербайджан), Еўразійскага нацыянальнага ўніверсітэта імя Л.М. Гумілёва (Казахстан), Маскоўскага гарадскога педагагічнага ўніверсітэта (Расія), Ташкенцкага дзяржаўнага педагагічнага ўніверсітэта імя Нізамі (Узбекістан).

Мітынг, прысвечаны старту 54-га інтэрнацыянальнага Зорнага паходу адбудзецца 28 студзеня ў музейна-паркавым комплексе “Перамога” каля памятнага знака ў гонар грамадзян усіх нацыянальнасцяў, якія вызвалялі Беларусь ад нямецка-фашысцкіх захопнікаў (пр. Пераможцаў, 8). У мерапрыемстве прыме ўдзел міністр адукацыі нашай краіны Ігар Карпенка, прадстаўнікі пасольстваў Азербайджана, Казахстана, Расіі, Туркменістана, Узбекістана і Беларусі.

Сяргей РАСОЛЬКА    

Выбар рэдакцыі

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».

Культура

Карэспандэнты «Звязды» пабывалі на начных здымках нацыянальнага кінапраекта

Карэспандэнты «Звязды» пабывалі на начных здымках нацыянальнага кінапраекта

Гісторыка-прыгодніцкая стужка пра Беларусь, беларуса-ваяра і беларуса-вучонага.

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці.