Вы тут

Прэзідэнт: Беларусь — надзейны сябар Турцыі, і такі курс захаваецца


Аб гэтым заявіў Аляксандр Лукашэнка падчас сустрэчы з міністрам нацыянальнай абароны Турэцкай Рэспублікі Хулусі Акарам.


"Мне прыемна сустрэцца з чалавекам, які закліканы шмат у чым вызначаць як ўнутраную, так і знешнюю палітыку Турэцкай Рэспублікі ў сувязі з той сітуацыяй, якая складваецца ў вашым рэгіёне", — адзначыў у пачатку сустрэчы беларускі лідар.

Прэзідэнт дадаў, што ў нашай краіне вельмі ўважліва назіраюць за дзеяннямі турэцкіх узброеных сіл. Аляксандр Лукашэнка даў высокую ацэнку эфектыўнасці і планавасці дзеянняў арміі Турцыі. Ён таксама падкрэсліў: у Беларусі разумеюць, што Турцыі вельмі няпроста, ажыццяўляецца масіраваны ціск вельмі моцных дзяржаў. Пры гэтым кіраўнік дзяржавы выказаў упэўненасць, што народ Турцыі - гэта мужныя людзі, і яны справяцца ў гэтых умовах з тымі праблемамі, якія сёння навязваюцца і прыўносяцца не толькі ўнутры Турцыі, але і звонку.

"Вы павінны ведаць, што мы заўсёды былі надзейнымі сябрамі і партнёрам вашай краіны, — заявіў Аляксандр Лукашэнка. — Мы заўсёды імкнуліся рабіць так, як лепш для Турцыі. І вы павінны ведаць, што мы будзем адданыя гэтаму курсу як у эканоміцы, гандлі, так і ў ваенна-тэхнічным супрацоўніцтве".

Ён перадаў самыя добрыя пажаданні турэцкаму лідару Рэджэпу Таіпу Эрдагану і выказаў надзею, што яго краіна зможа пераадолець усе цяжкасці і насуперак усяму падняцца яшчэ на адну прыступку развіцця.

У сваю чаргу турэцкі міністр адзначыў, што Прэзідэнт Турцыі чакае беларускага лідара з візітам у самы бліжэйшы час.

У тэму

У 2017 годзе тавараабарот паміж Беларуссю і Турцыяй склаў 942,1 млн долараў (114,9 % да аналагічнага перыяду 2016 года), экспарт 134,4 млн долараў (158,4 %), імпарт — 807,7 млн долараў (109,9 %), сальда адмоўнае ў памеры 673,3 млн долараў.

У студзені - лістападзе 2018 года тавараабарот паміж Беларуссю і Турцыяй склаў 899,6 млн долараў (107,7 % да аналагічнага перыяду 2017 года), экспарт — 170,2 млн долараў (140,8 %), імпарт - 729, 4 млн долараў (102,1 %), сальда адмоўнае ў памеры 559,2 млн долараў.

Без уліку нафты, нафтапрадуктаў і азотных угнаенняў дынаміка экспарту склала 150,5 % пры прагнозным заданні 107 %.

Асноўныя пазіцыі беларускага экспарту ў Турцыю: спалучэнні, якія змяшчаюць функцыянальную нітрыльную групу; паўфабрыкаты з нелегіраванай сталі; масла сметанковае; тканіны льняныя; кіслоты полікарбонавыя; матэрыялы кордныя для шын; драўніна паліўная; калійныя ўгнаенні; дрот з нелегіраванай сталі; газетная папера.

Турцыя закупляе сельгаспрадукцыю,  трыкатажныя палотны і тканіны, сінтэтычныя ніткі; адзенне і абутак, часткі і прылады для аўтатрактарнай тэхнікі.

На 1 студзеня 2019 года ў Беларусі зарэгістравана больш за 300 прадпрыемстваў з удзелам турэцкага капіталу.

Уладзіслаў ЛУКАШЭВІЧ

Фота БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.