Вы тут

Лаўроў здзіўлены шуміхай у СМІ вакол Дагавора аб стварэнні Саюзнай дзяржавы


Кіраўнік МЗС Расіі Сяргей Лаўроў на прэс-канферэнцыі для расійскіх і замежных журналістаў заявіў, што здзіўлены той шуміхай, якая ўзнята ў СМІ апошнім часам вакол Дагавора аб стварэнні Саюзнай дзяржавы, перадае БЕЛТА.


"Што датычыцца Саюзнай дзяржавы, то я проста здзіўляюся той шумісе, якая вакол гэтай тэмы, у тым ліку ў сродках масавай інфармацыі. Дагавор аб стварэнні Саюзнай дзяржавы - адкрыты, ён ёсць у доступе, з ім можна было азнаёміцца і тады, калі ён быў падпісаны, і цяпер можна асвяжыць у памяці", - сказаў Сяргей Лаўроў, адказваючы на пытанне нямецкай журналісткі.

Расійскі міністр адзначыў, што 20 гадоў таму ў дагавор было ўнесена многае з таго, што ў той час аб'яднала Беларусь і Расію і пабудзіла стварыць Саюзную дзяржаву. "Там прадугледжана было і прыняцце канстытуцыйнага акта, і стварэнне саюзнага парламента і Суда Саюзнай дзяржавы, - нагадаў ён. - Гэта ў той час было добраахвотна ўзгоднена паміж Масквой і Мінскам. З цягам часу, вядома, стала зразумела, што ні агульнай канстытуцыі, ні агульнага парламента, ні агульнага суда пакуль, напэўна, стварыць не ўяўляецца магчымым. Але і мы на гэтым зусім не настойваем. Мы гаварылі з нашымі беларускімі калегамі ў час апошніх кантактаў нашых прэзідэнтаў аб тых палажэннях саюзнага дагавора, якія ў адрозненне ад агульнай канстытуцыі, агульнага парламента, агульнага суда датычацца канкрэтных практычных рэчаў у сферы эканомікі і гандлю".

Паводле слоў Сяргея Лаўрова, з беларускімі партнёрамі не было асаблівых рознагалоссяў адносна неабходнасці паглядзець, як бакі могуць выканаць практычныя канкрэтныя рэчы ў эканамічнай і фінансавай сферах. "Была створана рабочая група па рашэнні прэзідэнтаў Расіі і Беларусі. Яна ўзначальваецца міністрамі эканомікі і ўпаўнаважана займацца тым, аб чым я цяпер сказаў", - дадаў кіраўнік расійскага знешнепалітычнага ведамства.

Выбар рэдакцыі

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

— Хлопцы, не біце, я — ва-а-аш!..

Грамадства

Як дэпутаты вырашаюць праблемы жыхароў Брэсцкай вобласці

Як дэпутаты вырашаюць праблемы жыхароў Брэсцкай вобласці

У мясцовых Саветах Брэсцкай вобласці ажыццяўляюць дэпутацкую дзейнасць 2962 дэпутаты. 

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.