Вы тут

У Беларусі запусцілі першы магістральны нафтапрадуктаправод


У Беларусі запусцілі першы магістральны нафтапрадуктаправод Наваполацк - Фаніпаль. Нафтапрадуктаправод агульнай працягласцю 292 км пачаў працаваць у поўным аб'ёме, перадае БЕЛТА.


Фота: БЕЛТА

Нафтапрадуктаправод дае магчымасць пастаўляць дызельнае паліва і бензін трубаправодным транспартам ад ААТ "Нафтан" да складоў захоўвання нафтапрадуктаў "Беларуснафты" ў Крулеўшчыне Віцебскай вобласці і ў Фаніпалі Мінскай вобласці.

Яго першы ўчастак у пачатку 2017 года звязаў наваполацкі "Нафтан" і нафтабазу ў Крулеўшчыне. Пабудаваны другі пускавы комплекс забяспечыць транспарціроўку нафтапрадуктаў у цэнтральную частку краіны - на самую вялікую беларускую нафтабазу ў Фаніпалі. Гэта дасць магчымасць пастаўляць у сталічны рэгіён да 1 млн т аўтамабільнага паліва ў год.

Праект рэалізаваны ААТ "Полацктранснафта Дружба", для якога эксплуатацыя нафтапрадуктаправода з'яўляецца новым відам дзейнасці. Агульны кошт інвестпраекта склаў больш за Br70 млн. Паводле ацэнак, укладанні могуць акупіцца за 5-7 гадоў.

Як адзначыў намеснік старшыні канцэрна "Белнафтахім" Уладзімір Сізоў, першы нафтапрадуктаправод - гэта стратэгічны праект для ўсёй галіны, паколькі ён дае магчымасць забяспечваць транспарціроўку паліва аператыўна і з найменшымі затратамі. Прычым нафтабаза ў Фаніпалі можа забяспечваць не толькі сталіцу і Мінскую вобласць, але і, напрыклад, асобныя рэгіёны Брэсцкай, Гродзенскай і Магілёўскай абласцей.

Намеснік генеральнага дырэктара ВА "Беларуснафта" Сяргей Каморнікаў удакладніў, што кошт прапампоўкі паліва з Наваполацка да Фаніпаля па нафтапрадуктаправодзе прыкладна на 25 працэнтаў ніжэйшы, чым пры дастаўцы чыгуначным транспартам.

Адказваючы на пытанне аб праектаванні такіх аб'ектаў у будучым, Сяргей Каморнікаў сказаў, што ўжо доўгі час абмяркоўваецца магчымасць будаўніцтва так званага паўднёвага прадуктаправода - ад Мазырскага НПЗ у бок Польшчы праз нафтабазы ў Пінску, Кобрыне, населеным пункце Бярнады-Прылукі працягласцю каля 550 км. Аднак канчатковага рашэння пакуль не прынята. Пытанне знаходзіцца на стадыі эканамічнага абгрунтавання інвестыцый.

Выбар рэдакцыі

Грамадства

Уладзімір Каранік: «На ШВЛ вакцынаваных няма»

Уладзімір Каранік: «На ШВЛ вакцынаваных няма»

Медыкі і губернатар Гродзенскай вобласці адказалі на пытанні па прышчэпках

Грамадства

Як партызаны за адну ноч знішчылі нямецкі гарнізон

Як партызаны за адну ноч знішчылі нямецкі гарнізон

22 чэрвеня 1943 года партызаны атрада «Бальшавік» здзейснілі нападзенне на фашысцкі гарнізон у былым саўгасе «Косіна».

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.