Вы тут

Сі Цзіньпін запрасіў Лукашэнку на форум "Адзін пояс, адзін шлях" у Пекіне


Старшыня Кітайскай Народнай Рэспублікі Сі Цзіньпін запрасіў Прэзідэнта Рэспублікі Беларусь Аляксандра Лукашэнку прыняць удзел у другім міжнародным форуме вышэйшага ўзроўню "Адзін пояс, адзін шлях". Адпаведнае асабістае пасланне перадаў сёння Надзвычайны і Паўнамоцны Пасол КНР у Беларусі Цуй Цымін на сустрэчы з намеснікам міністра замежных спраў Беларусі Андрэем Дапкюнасам, паведамілі БЕЛТА ў прэс-службе знешнепалітычнага ведамства.


На сустрэчы бакі абмеркавалі падрыхтоўку да форуму вышэйшага ўзроўню, які адбудзецца ў красавіку 2019 года ў Пекіне. У маі 2017 года Прэзідэнт Беларусі ўдзельнічаў у першым міжнародным форуме "Адзін пояс, адзін шлях" сярод кіраўнікоў 29 дзяржаў і міжнародных арганізацый. Былі абмеркаваны шляхі паглыблення эканамічнага ўзаемадзеяння паміж дзяржавамі, якія ўваходзяць у Эканамічны пояс Шаўковага шляху, у прыватнасці, фарміравання транспартнага, энергетычнага і гандлёвага калідора паміж краінамі Азіі і Еўропы.

Беларусь з'яўляецца ключавым звяном ініцыятывы "Адзін пояс, адзін шлях" з улікам паспяховай рэалізацыі на тэрыторыі краіны праекта стварэння Кітайска-беларускага індустрыяльнага парка "Вялікі камень", названага старшынёй КНР "жамчужынай" Шаўковага шляху. І ў мэтах павышэння прывабнасці парка для міжнародных інвестараў у ліпені 2019 года на яго базе плануецца правесці міжнародны форум "Пояс і шлях".

Акрамя таго, на сустрэчы беларускі і кітайскі дыпламаты разгледзелі шэраг іншых пытанняў двухбаковага супрацоўніцтва, адзначылі агульнасць падыходаў да асноўных тэм двухбаковага і міжнароднага парадку дня. У гэтым кантэксце пасол Кітая падзякаваў за паслядоўную падтрымку кіраўніком беларускай дзяржавы, урадам і МЗС палітыкі "аднаго Кітая". Намеснік міністра пацвердзіў, што падтрымка Беларуссю падыходаў Кітайскай Народнай Рэспублікі адносна тэмы Тайваня мае прынцыповы характар і грунтуецца на ўсведамленні аб'ектыўнай правільнасці гэтых падыходаў і іх адпаведнасці карэнным інтарэсам кітайскага народа.

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».