Вы тут

У Прынёманні зніжаюцца аб'ёмы будаўніцтва жылля


Такі працэс назіраецца ўжо некалькі гадоў, адзначаюць у КДК Гродзенскай вобласці. Калі ў 2014 годзе было здадзена 661 тысяча «квадратаў» жылля, то за 11 месяцаў мінулага года ўведзена ў эксплуатацыю толькі 356 тысяч метраў, што складае 74 % ад гадавога плана. Гэта прывяло да значнага павелічэння чэргаў на кватэры.


Будаўніцтва жылля з'яўляецца адной з галоўных дзяржаўных праграм у краіне. Згодна з ёй, у рэспубліцы да 2020 года прадугледжана забяспечыць насельніцтва жыллём з разліку 27,3 квадратнага метра на чалавека. У Гродзенскай вобласці ў 2017 годзе ўдалося перавысіць гэты паказчык і дасягнуць 29,7 «квадрата» на чалавека. Разам з тым у рэгіёне не забяспечваецца будаўніцтва запланаваных аб'ёмаў агульнай плошчы жылля. У выніку павялічылася чарга грамадзян, якія маюць патрэбу на паляпшэнне жыллёвых умоў, у тым ліку шматдзетных сем'яў.

Па словах старшыні Камітэта дзяржаўнага кантролю Гродзенскай вобласці Анатоля Дарожкі, з дзяржаўнай падтрымкай пабудавана толькі 70 % гадавога плана. Нізкія тэмпы назіраюцца ў большасці раёнаў Гродзенскай вобласці, а некаторыя наогул не прыступалі некалькі гадоў да будаўніцтва такога жылля.

За 9 месяцаў мінулага года кошт аднаго «квадрата» жылля, пабудаванага з дзяржпадтрымкай, склаў па вобласці 882 рублі. Аднак у шэрагу раёнаў гэты паказчык значна вышэйшы, што недапушчальна. Як вядома, кошт аднаго «квадрата» не павінен перавышаць сярэднямесячны заробак.

Выяўлены і іншыя недахопы. Калі яшчэ два гады таму ў вобласці не назіралася выпадкаў будаўніцтва жылля з зацягваннем нарматыўных тэрмінаў, то ў 2018-м выяўлена 12 такіх дамоў, з іх 9 ужо ўведзены ў эксплуатацыю.

Выклікаюць нараканні навасёлаў і шматлікія дэфекты. Анатоль Дарожка падкрэсліў, што колькасць такіх зваротаў у дзяржаўную інспекцыю ў параўнанні з папярэднім годам удвоілася. Праверкі паказалі, што ўсе звароты абгрунтаваныя і маюць патрэбу ў іх разглядзе.

Згодна з вынікамі інтэрнэт-апытання, якое было праведзена КДК па ацэнках якасці жыллёвага будаўніцтва, 87 % рэспандэнтаў заявілі аб наяўнасці заўваг падчас здачы жылога дома. Пераважная большасць (93 %) выявіла дэфекты будаўніцтва падчас эксплуатацыі, 85 % заявіла аб праблемах, з якімі сутыкнуліся падчас ліквідацыі гэтых недахопаў падраднымі арганізацыямі. Пры гэтым многія скаргі не вырашаюцца на раённым узроўні, меры ў большасці выпадкаў прымаюцца толькі пасля звароту ў Камітэт дзяржкантролю.

У тэму

Магчыма, сітуацыю з жыллёвымі чэргамі палепшыць узвядзенне жылога мікрараёна ў Гродне на месцы былога ваеннага гарадка па вуліцы Лідскай.

Ужо закладзены першы пяціпавярховы дом, на чарзе — два сяміпавярховыя. Новы штрых — высоткі. На месцы былых боксаў для тэхнікі з'явяцца тры 19-павярховыя дамы. Высоткі становяцца новым кірункам забудовы цэнтра горада.

Усяго тут будзе пабудавана 1620 кватэр. Таксама з'явяцца гандлёва-грамадскі цэнтр, дзіцячы сад, спартыўныя пляцоўкі, стадыён, малыя архітэктурныя формы.

Як паведамілі ва ўпраўленні архітэктуры гарвыканкама, праект распрацаваны з улікам новай канцэпцыі гарадскога будаўніцтва. Гэта значыць, што дваровыя тэрыторыі будуць вызвалены ад аўтамабіляў, а паркоўкі размесцяцца па перыметры забудовы. У горадзе вядзецца будаўніцтва яшчэ некалькіх жылых комплексаў.

Маргарыта Ушкевіч

Загаловак у газеце: Наваселле пад пагрозай?

Выбар рэдакцыі

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».