Чарговы, 19-ы па ліку гастранамічны тыдзень, прысвечаны стравам беларускай кухні, пройдзе ва ўстановах сталіцы з 25 лютага па 3 сакавіка, паведамілі ў Галоўным упраўленні спажывецкага рынку Мінгарвыканкама, піша minsknews.by.
У розных па фармаце і цэнавай катэгорыі ўстановах Мінска прапануюць аднолькавае меню з пяці страў беларускай кухні, якія будуць гатаваць па адзінай рэцэптуры і прадаваць па аднолькавай цане. Мэта мерапрыемства - прыцягнуць увагу гараджан і гасцей сталіцы да страў нацыянальнай кухні, а таксама прасоўванне беларускіх культурных традыцый сярод наведвальнікаў кавярняў і рэстаранаў.
У тыдні беларускай кухні могуць удзельнічаць усе жадаючыя ўстановы. Удзел бясплатны і афармляецца ў выглядзе заяўкі, якую трэба запоўніць на афіцыйным сайце ГУСР Мінгарвыканкама да 10 лютага. Падрабязную інфармацыю і правілы ўдзелу ў мерапрыемстве можна даведацца па тэлефонах: (017) 327-41-60, (017) 328-63-92.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
