Вы тут

У Гомелі працуе выстава фотаздымкаў Сяргея Плыткевіча "Планета Беларусь"


Выстава фотаздымкаў Сяргея Плыткевіча "Планета Беларусь" працуе ў музеі гісторыі горада Гомеля, паведамілі ў дзяржаўнай установе, піша БЕЛТА.


Мерапрыемства прымеркавалі да Года малой радзімы. Аэраздымка, панарамныя здымкі, пейзажы, знакавыя архітэктурныя збудаванні - у экспазіцыі прадставяць самыя розныя работы аўтара.

Сяргей Плыткевіч зрабіў больш за сто палётаў над Беларуссю, каб убачыць, сватаграфаваць і паказаць яе хараство. Вынікам сталі фотаальбомы "Нечаканая Беларусь" і "Планета Беларусь". "Цераз нашу краіну праходзіць мноства транспартных артэрый, над ёй пралятаюць авіяпадарожнікі. Аднак Беларусь застаецца загадкавай, як і многія далёкія планеты, - лічаць арганізатары. - Аўтар спадзяецца, што яго погляд на Беларусь будзе цікавым патрабавальнаму наведвальніку".

На адкрыцці фатограф раскажа пра гісторыю стварэння здымкаў, падзеліцца сакрэтамі майстэрства, адкажа на пытанні. Выкананнем беларускіх песень падтрымае атмасферу мерапрыемства народны вакальны ансамбль "Прасніца" ДК "Фестывальны".

Сяргей Плыткевіч нарадзіўся ў 1963 годзе ў Петрыкаўскім раёне. Скончыў Полацкі лясны тэхнікум, факультэт журналістыкі Беларускага дзяржаўнага ўніверсітэта. Працаваў у газетах, у 2014 годзе стварыў краязнаўчы партал. Акрамя названых, з'яўляецца аўтарам фотаальбомаў "Мая Беларусь", "Беларуская экзотыка", "Ад Полацка пачаўся свет", "Палессе", "Запаведная Беларусь", здымкаў для мноства даведнікаў, камплектаў паштовак, брашур, плакатаў. Персанальныя фотавыставы Сяргея Плыткевіча праходзілі ў многіх гарадах Беларусі, а таксама ў Пекіне, Маскве, Вроцлаве, Познані, Беластоку, Вільнюсе, Таўраге.

У Гомелі знаёміцца з "Планетай Беларусь" можна будзе да 3 сакавіка.

Выбар рэдакцыі

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце. 

Эканоміка

На «ТІБО-2019» Белпошта паказала новыя тэхнічныя цікавінкі

На «ТІБО-2019» Белпошта паказала новыя тэхнічныя цікавінкі

Якія неўзабаве ўвойдуць у прафесійны побыт.

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!