Вы тут

У Мінску на 2019 год запланавана вялікая рэканструкцыя паркаў і сквераў


Паведаміў генеральны дырэктар УП «Мінскзелянбуд» Ігар КУШНЯРЭВІЧ.


Працягнецца работа па рэканструкцыі паркаў імя Уга Чавеса і імя Міхаіла Паўлава. Прыкладна ў чэрвені-ліпені яна будзе скончана.

— Асобна, — адзначыў Ігар Кушнярэвіч, — хочацца спыніцца на парку Горкага. Згодна з даручэннем Прэзідэнта, летась намі была ўстаноўлена канцэпцыя па развіцці гэтага парку. Яна налічвае каля 20 пазіцый, па якіх мы будзем працаваць. Мы так збіраемся прыбраць кіёскі з набярэжнай, якія абураюць жыхароў горада, у асобную гандлёвую зону. Акрамя таго, сама набярэжная будзе рэстаўравацца, асабліва ў раёне Палаца шлюбаў, дзе яна найбольш дэфармаваная. Таксама мы хочам замяніць частку атракцыёнаў. Будзе праводзіцца рамонт дарожнай сеткі. Разглядаецца пытанне арганізацыі асобнай дзіцячай пляцоўкі. Правядзём рамонт асвятлення, у тым ліку і на коле агляду. Надпісу «Мінск» на ім ужо пятнаццаць гадоў, і сёлета мы плануем гэты надпіс цалкам абнавіць.

Таксама будуць праводзіцца работы на Сляпянскай воднай сістэме. Яна была пабудавана ў 60-я гады мінулага стагоддзя, і ў некаторых раёнах частка набярэжных ляжыць у вадзе. Прыйшоў час капітальна яе рамантаваць. Што датычыцца знакамітых 15-ці каскадаў, то і яны чакаюць свайго рамонту.

Як яшчэ расказаў Ігар Анатолевіч, вялікая ўвага будзе аддадзена кветкаваму афармленню горада. Плануецца пасадзіць каля 2 220 тысяч кветак. У 2018 годзе з'явілася вялікая колькасць малых архітэктурных формаў — гэта кветачніцы, урны, карэты, чашы. У 2019 годзе будзе набыта яшчэ 2400 гэтых прадметаў вулічнага ўпрыгожвання.

Як заўсёды, у горадзе будзе высаджвацца вялікая колькасць дрэў і кустоў. У 2019 годзе вырашылі зрабіць акцэнт на дваровых тэрыторыях. Плануецца шырока прыцягваць да пасадкі дрэў жыхароў навакольных дамоў.

— Асноўная наша задача, — сказаў Ігар Кушнярэвіч, — гэта бягучае ўтрыманне горада. А з улікам таго, што нас чакаюць ІІ-я Еўрапейскія гульні, мы падымем яго на самую высокую планку.

Сяргей КУЛАКОЎ

Загаловак у газеце: Гораду — квітнець і развівацца

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.