Вы тут

Орша: унікальны шанц для рэгіёна


Магчымасцю скарыстацца льготамі Указа Прэзідэнта № 506 аб развіцці Аршаншчыны ўжо зацікавіліся бізнесмены. Пра тое, як найбольш эфектыўна выканаць указ, днямі ішла размова ў Віцебскім аблвыканкаме.


Фота: boris-mavlyutov.livejournal.com

Паводле слоў першага намесніка старшыні Аршанскага райвыканкама Сяргея Паца, у першы ж рабочы дзень новага года дзелавыя людзі пачалі звяртацца па каментарыі, інфармацыйныя даведкі, парады. Напрыклад, наконт таго, як сертыфікаваць прадукцыю і паслугі, як працаваць на льготных умовах. Інтарэс назіраецца не толькі з боку мясцовых прадпрымальнікаў, яго праяўляюць прадстаўнікі бізнесу з Віцебска і сталіцы. (Дарэчы, на наступны дзень у Віцебску арганізавалі сустрэчу і з кіраўнікамі суб'ектаў недзяржаўнага сектара эканомікі.) Прадстаўнік райвыканкама выказаў меркаванне, што і замежныя інвестары таксама будуць зацікаўленыя ўкласці грошы ў развіццё рэгіёна, бо зарабіць можна параўнальна больш, эканомячы пры выплаце падаткаў. Ёсць і іншыя прэферэнцыі.

Начальнік інспекцыі Міністэрства па падатках і зборах па Віцебскай вобласці Валерый Лабацэвіч нагадаў, што бонусы гарантаваныя не ўсім. У прыватнасці, калі будзе весціся выключна гандаль, ніякіх паслабленняў чакаць не даводзіцца. А вось, напрыклад, калі прадпрыемства ці індывідуальны прадпрымальнік, зарэгістраваныя ў Аршанскім рэгіёне, вырабляюць там прадукцыю, аказваюць паслугі, то гарантуецца памяншэнне падатковай стаўкі...

Падаткавік выказаў надзею, што павелічэнне падатковай выручкі — гэта стабільныя паступленні ў бюджэт, якія будуць павялічвацца. Так, сам узровень падаткаў знізіцца, але тых, хто іх заплаціць, будзе больш. Адпаведна, і дзяржаве гэта больш выгадна.

Зразумела, у першую чаргу жыхары рэгіёна чакаюць, што з'явяцца новыя рабочыя месцы і годныя заробкі. Як канстатавала намеснік старшыні камітэта па працы, занятасці і сацыяльнай абароне Віцебскага аблвыканкама Ірына Матвеева, летась 780 чалавек атрымалі работу. І сёлета гэта магчымасць з'явіцца амаль у 800 жыхароў раёна. Для іх ствараюцца рабочыя месцы на новых вытворчасцях і за кошт мадэрнізацыі існуючых.

Зарплата павінна быць напрамую звязана з прадукцыйнасцю працы, пра што не раз гаварыў і Прэзідэнт. Гэтае пытанне — у цэнтры ўвагі мясцовай улады, як і адпаведнасць новых рабочых месцаў патрабаванням часу.

Першы намеснік старшыні Віцебскага аблвыканкама Алег Мацкевіч канстатаваў, што кіраўнік краіны сваім указам дае ўнікальную магчымасць развіцця Аршаншчыны. Гэта датычыцца і фінансавай дапамогі з рэспубліканскага бюджэту.

Праграму развіцця рэгіёна трэба рэалізаваць да канца 2023 года. «Эканамічны эксперымент» праводзіцца для таго, каб потым адпрацаванае рэалізаваць у іншых рэгіёнах. Галоўная ж мэта — павышэнне ўзроўню дабрабыту жыхароў глыбінкі.

Аляксандр ПУКШАНСКІ

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.