Вы тут

У Мексіцы пры выбуху трубаправода з гаручым загінуў 21 чалавек


У выніку выбуху і пажару на трубаправодзе з гаручым ў раёне горада Тлауэлільпан штата Ідальга ў Мексіцы, паводле апошніх афіцыйных даных, загінуў 21 чалавек і 71 пацярпеў, праінфармаваў у Twitter губернатар рэгіёну Амар Фаяд, перадае БЕЛТА.


Выбух і пажар адбыліся ўвечары 18 студзеня на месцы нелегальнай ўрэзкі ў трубаправод. У гэты час там знаходзіліся некалькі дзясяткаў чалавек, якія займаліся зборам паліва. Да цяперашняга часу пажар патушаны.

Як паведамляе ТАСС, у сувязі з трагедыяй у краіне пачала працу Нацыянальная камісія па надзвычайных сітуацыях. Улады Мехіка накіравалі ў Ідальга чатыры верталёта з лекарамі для аказання дапамогі пацярпелым. Раней прэзідэнт Мексікі Андрэс Мануэль Лопес Абрадор даў указанні ўраду аказаць неабходную дапамогу пацярпелым пры пажары.

Улады Мексікі з канца 2018 года пачалі актыўна змагацца з крадзяжамі гаручага, прыцягваючы да вырашэння гэтай задачы узброеныя сілы. Летась у краіне было выяўлена звыш 12,5 тыс. нелегальных урэзак ў трубаправоды кампаніі Pemex, што на 45% больш, чым за той жа перыяд 2017 года. Страты кампаніі з-за крадзяжоў паліва і нафты перавысілі 60 млрд песа (больш за $ 3 млрд) у год.

Выбар рэдакцыі

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».

Культура

Карэспандэнты «Звязды» пабывалі на начных здымках нацыянальнага кінапраекта

Карэспандэнты «Звязды» пабывалі на начных здымках нацыянальнага кінапраекта

Гісторыка-прыгодніцкая стужка пра Беларусь, беларуса-ваяра і беларуса-вучонага.

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці.