Кіраўніцтва Беларусі перакананае ў тым, што Масква і Мінск урэгулююць рознагалоссі ў нафтагазавай сферы. Пра гэта заявіў ТАСС Надзвычайны і Паўнамоцны Пасол Беларусі ў Расіі Уладзімір Сямашка, піша БЕЛТА.
"На жаль, склалася дрэнная практыка, што ў канцы года ў нас перыядычна ўзнікаюць нафтагазавыя пытанні, на фоне чаго і ўзнікае абвастрэнне, - сказаў пасол. - Але гісторыя паказвае, што мы заўсёды знаходзілі магчымасці іх урэгулявання. Прэзідэнт (Беларусі Аляксандр Лукашэнка. - заўв. ТАСС) падчас апошняга візіту ў РФ сказаў, што мы сур'ёзна прасунуліся наперад у перагаворным працэсе, паразуменне паглыбілася, і ў наступны раз мы вырашым гэтыя праблемы. У Прэзідэнта ёсць абсалютная перакананасць у гэтым".
Адказваючы на пытанне, ці ёсць нейкія падставы ў спекуляцый, якія з'явіліся ў СМІ, пра пагаршэнне адносінаў Масквы і Мінска ў апошнія месяцы, пасол адзначыў: "Я не думаю, што ёсць пагаршэнне ў адносінах, асобныя расійскія СМІ гіпертрафіравалі вядомыя разыходжанні ў падыходах дзвюх краін".
Беларусь і Расія вядуць перамовы па пытанні аб працы беларускага нафтаперапрацоўчага сектара ва ўмовах падатковага манеўру, які праводзіцца Расіяй, які прывядзе да падаражэння нафты для беларускіх НПЗ.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
