Цэнтральны батанічны сад Нацыянальнай акадэміі навук Беларусі запрашае 23-26 студзеня наведаць пяты фестываль-конкурс лядовых і снежных скульптур "Свет крышталяў у батанічным садзе”.
Наведвальнікі змогуць убачыць і ацаніць майстэрства лепшых скульптараў, стануць сведкамі таго, як крышталі лёду ператвараюцца ў творы снежна-лядовага мастацтва, якое патрабуе ад майстроў не толькі ўмення выразаць з лёду скульптуры, але і вялікага цярпення, мужнасці і гатоўнасці працаваць пры любым надвор'і.
У мерапрыемстве прымуць удзел 9 каманд прафесійных скульптараў і 9 студэнцкіх каманд профільных факультэтаў дзяржаўных устаноў адукацыі. Урачыстае адкрыццё пятага фестывалю-конкурсу адбудзецца 26 студзеня ў 14.30. У гэты дзень ледзяныя скульптуры будуць урачыста прадстаўлены публіцы і будуць падведзеныя вынікі творчых спаборніцтваў. Наведвальнікі таксама змогуць прагаласаваць за ўпадабаную скульптуру ў намінацыі “Прыз глядацкіх сімпатый”.
Таксама гасцей свята чакае гала-канцэрт з удзелам гурта "Без білета", забаўляльная віктарына, конкурсы з розыгрышам прызоў і музычнае піратэхнічнае шоу. На тэрыторыі саду працуюць гандлёвыя кропкі, зімовыя атракцыёны. Бонус для наведвальнікаў - пачастунак гарачай гарбатай ад батанічнага саду - на свежым паветры будзе асаблівым задавальненнем.
Палюбавацца на створаныя з лёду скульптуры можна будзе па 3 лютага. Іх аснасцяць падсветкай, таму асабліва прыгожыя яны будуць у вячэрні час.
На перыяд правядзення фестывалю рэжым працы батанічнага саду падоўжаць: у выхадныя дні касы цэнтральнага ўваходу будуць працаваць да 18.30, экспазіцыйная аранжарэя - да 19.00, па буднях - да 18.00 і 18.30 адпаведна. Уваход на ландшафтную зону Батанічнага саду платны – 10 рублёў. Кошт ільготнага білета (для студэнтаў, навучэнцаў, пенсіянераў, бацькоў шматдзетных сем'яў, супрацоўнікаў акадэміі навук) складае 5 рублёў. Для інвалідаў усіх груп, сірот і ваеннаслужачыя тэрміновай службы - уваход свабодны.
Час правядзення:
Надзея НІКАЛАЕВА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.