Вы тут

У чацвер і пятніцу ўначы ажно да мінус 21 градуса


На працягу ўсяго працоўнага тыдня ўплыў на надвор'е будзе аказваць вобласць павышанага атмасфернага ціску, якая сфарміравалася ў халоднай паветранай масе. Таму будзе марозна і пераважна без ападкаў, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Аднак у аўторак малаактыўны франтальны раздзел прынясе ў многія раёны невялікі снег. На асобных участках дарог захаваецца галалёдзіца. Максімальная тэмпература паветра ў асноўным складзе 2—7 марозу, а па поўначы краіны будзе халадней: там ад мінус 8 да мінус 13 градусаў.

І ў сераду чакаецца без істотных ападкаў, толькі раніцай і днём месцамі па поўдні краіны пройдзе кароткачасовы снег. На асобных участках дарог галалёдзіца. Уначы будзе ад мінус 6 да мінус 13 градусаў, пры праясненнях тэмпература панізіцца да 14—18 марозу. Днём чакаецца ад мінус 3 да мінус 10 градусаў ніжэй за нуль. З чацвярга ў нашу краіну прыйдзе час сапраўднага арктычнага холаду. У гэтыя дні будзе пераважна без ападкаў, толькі месцамі па Гомельскай вобласці пройдзе кароткачасовы снег. На асобных участках дарог галалёдзіца. Тэмпература ўначы складзе 8—15 градусаў ніжэй нуля, пры праясненнях паветра астудзіцца ад мінус 16 да мінус 21 градуса. Удзень будзе не больш чым ад мінус 4 да мінус 10 градусаў, а месцамі і 11—12 марозу.

Будзе пераважна без ападкаў і ў пятніцу, толькі па паўднёвым захадзе краіны пройдзе кароткачасовы снег. На асобных участках дарог галалёдзіца. Уначы чакаецца ад мінус 10 да мінус 17 градусаў, пры праясненнях 18—21 марозу, у паўднёва-заходніх раёнах — 7—9 градусаў ніжэй за нуль. Нават днём будзе рыпець пад нагамі — чакаецца 5—12 марозу.

Паводле папярэдніх прагнозаў айчынных сіноптыкаў, у выхадныя дні ўмовы надвор'я будуць вызначаць атмасферныя франты, якія абумовяць часам добры снег і прыкметнае паслабленне марозу.

Сяргей КУРКАЧ

Загаловак у газеце: Мароз і сонца

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.