МУС абвясціла конкурс на лепшае асвятленне дзейнасці

Міністэрства ўнутраных спраў аб'яўляе аб правядзенні конкурсу на лепшае асвятленне ў СМІ дзейнасці органаў унутраных спраў і ўнутраных войскаў Беларусі.

Да ўдзелу запрашаюцца рэдакцыі, творчыя калектывы і асобныя журналісты, тэлеаператары, фотамайстры сродкаў масавай інфармацыі, інтэрнэт-сайтаў, пазаштатныя аўтары, у тым ліку і супрацоўнікі органаў унутраных спраў і ваеннаслужачыя ўнутраных войскаў.

У гэтым годзе традыцыйны спіс намінацый (“Праект года”, “Лепшая раённая газета", "Лепшы аўтар”, “Лепшы відэаролік сацыяльнай рэкламы”, “Лепшая фотаработа”, “Лепшы інтэрнэт-праект", "Лепшы карпункт”) дапоўніўся трыма новымі :

• “Разам супраць наркапагрозы” -- за важкі ўклад у работу па прафілактыцы наркаманіі і нарказлачыннасці;
• “На малой радзіме служу” -- за лепшы матэрыял / сюжэт пра супрацоўніка тэрытарыяльнага органа ўнутраных спраў, які нарадзіўся і служыць на роднай зямлі (у рамках Года малой радзімы);
• “100-годдзю беларускага крымінальнага вышуку прысвячаецца” -- за папулярызацыю дзейнасці супрацоўнікаў крымінальнага вышуку.

Да разгляду прымаюцца матэрыялы, размешчаныя ў СМІ і інтэрнэце з 1 студзеня па 31 снежня 2018 года.

Работы з паметкай “На конкурс” варта накіраваць не пазней за 1 сакавіка на адрас: 220030, г. Мінск, вул. Гарадскі Вал, 4, Міністэрства ўнутраных спраў Рэспублікі Беларусь, ўпраўленне інфармацыі і грамадскіх сувязяў.

Дасланыя матэрыялы не рэцэнзуюцца і не вяртаюцца, а прадстаўленыя з парушэннем умоў -- не разглядаюцца. Афармленне адпаведнай заяўкі абавязкова.

Больш падрабязная інфармацыя аб умовах правядзення конкурсу, парадку прадастаўлення работ і правілах афармлення можна азнаёміцца на сайце Міністэрства ўнутраных спраў.

Сяргей РАСОЛЬКА