Вы тут

Сэрца ці нервы не ў парадку?


Нядаўна ў мяне перыядычна здараліся прыступы задышкі, якія суправаджаліся пастаянным пачуццём недахопу паветра, пазяханнем. У аптэцы параілі прымаць глог з кальцыем і магніем, і праз пэўны час усё прайшло. Ці варты ўвагі такі стан і ці трэба ісці да ўрача? Ці можа ён быць звязаны з надвор'ем і тым, што давялося панервавацца?

Таццяна Аляксандраўна, 55 гадоў, Мінск


Адказвае загадчык аддзялення прафілактыкі 31-й гарадской паліклінікі Мінска Таццяна ПЛІСЮК.

— На жаль, жанчына не ўдакладніла, у стане спакою ці падчас фізічнай актыўнасці ўзнікаюць такія адчуванні. А гэта важна для пастаноўкі дыягназу. Апісаны стан можа быць звязаны з суб'ектыўнымі адчуваннямі. У некаторых жанчын, напрыклад, цяжка праходзіць клімакс, і гэта можа быць адной з яго праяў. А магчыма, так дае аб сабе знаць цяжкая паталогія — параксізм фібрыляцыі перадсэрдзяў, або мігальная арытмія. Гэта найбольш распаўсюджаная разнавіднасць парушэнняў рытму сардэчных скарачэнняў і вельмі небяспечная — найперш тым, што пры доўгім яе існаванні аднавіць рытм бывае вельмі складана. Таму варта звярнуцца да тэрапеўта, здаць аналізы і падрабязна расказаць, што вы адчуваеце. Такую паталогію не заўсёды ўдаецца выявіць па кардыяграме сэрца, бо ў момант яе выканання рытм можа быць у норме. Таму прызначаецца сутачнае холтэраўскае манетарыраванне. Пацыент на працягу 24 гадзін носіць адпаведнае прыстасаванне і вядзе дзённік. Пазначае, калі ён дрэнна сябе адчувае, і ва ўрача ёсць магчымасць паглядзець, як у гэты час паводзіла сябе сэрца. Таму я б раіла найперш абследавацца, каб выключыць паталогію, звязаную з парушэннем рытму сэрца. І калі ўсё ў норме, тады можна разважаць пра вегетасасудзістую дыстанію, уплыў надвор'я, нерваванні і псіхасаматыку. І гэта сапраўды можа лячыцца глогам, сардэчнікам ці адаптолам.

Алена КРАВЕЦ

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.