Вы тут

Біятлонныя зоркі прыедуць у Беларусь у лютым


«Гонка легендаў» гэтай зімой трэці раз вяртаецца ў Раўбічы разам са старымі знаёмымі і новымі ўдзельнікамі. Арганізатары абяцаюць, што 18 лютага гэтага года фестываль атрымае яшчэ большы размах.


У спартыўным комплексе пад Мінскам аматары спорту змогуць убачыць Дар'ю Домрачаву, Надзею Скардзіна, Алену Зубрылаву, Сімону Хаўсвальд, Корын Ніерге, Ганну Багалій, Флорэнс Баверэль, Алену Пятрову і Кацярыну Дафоўскую. Таксама да нас прыедуць шматразовыя алімпійскія чэмпіёны Уле-Эйнар Б'ёрндален, Рыка Грос, Хальвард Ханевольд, Андрэй Дзярызямля, Венсан Дэфран, Фрода Андэрсан, Сяргей Чэпікаў, П'ер Альберта Карара. І добра знаёмыя беларусам Аляксандр Папоў, Сяргей Новікаў і Аляксей Айдараў.

У праграме фестывалю — мас-старт і змешаная эстафета, але, мабыць, самай галоўнай і кранальнай падзеяй стануць провады з вялікага спорту чатырохразовай алімпійскай чэмпіёнкі Дар'і Домрачавай і алімпійскай чэмпіёнкі Пхёнчхана-2018 Надзеі Скардзіна.

Усе балельшчыкі таксама змогуць трапіць на аўтограф-сесію легендаў біятлона, якая адбудзецца паміж гонкамі.

Як паведамлялася раней, праз два дні пасля «Гонкі легендаў» Раўбічы прымуць чэмпіянат Еўропы. Нядаўна стала вядома, што заяўкі на ўдзел у турніры падалі 34 нацыянальныя федэрацыі біятлона. У спаборніцтвах у Раўбічах прымуць удзел 164 біятланісты і 153 біятланісткі. Для параўнання: у 2004 годзе ў чэмпіянаце Еўропы ў Раўбічах узялі ўдзел 12 краін. За ўсе дні спаборніцтваў спарткомплекс наведалі 75 тысяч гледачоў. Нагадаем, білеты на біятлонныя мерапрыемствы ў лютым ужо паступілі ў продаж.

Дар'я ЛАБАЖЭВІЧ

Загаловак у газеце: Фестываль у Раўбічах

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».