Вы тут

У Кармянскім раёне міліцыянер выпадкова падвёз згоншчыка


У Кармянскім раёне міліцыянер выпадкова падвёз згоншчыка, затрымаць зламысніка дапамаглі калегі. Пра гэта БЕЛТА паведамілі ва УУС Гомельскага аблвыканкама.


Супрацоўнікі Кармянскага РАУС атрымалі паведамленне пра ўгон ў Рагачове легкавога аўтамабіля - арыентоўку накіравалі ва ўсе райаддзелы міліцыі вобласці для аператыўнага рэагавання. "18. студзеня прапаршчык міліцыі Віталь Смалякощ пасля службы вырашыў з'ездзіць у Рагачоў да бацькоў. Адправіўся на сваёй машыне. Па дарозе на мабільным пасту ДАІ ў калегі - старшага сяржанта Артура Панкратава - даведаўся аб згоне ў Рагачове, - распавялі ва УУС. - Ужо за межамі Кармы ён звярнуў увагу на легкавік ля абочыны. У цемры марку не зразумеў, але патэлефанаваў Артуру і паведаміў пра ўбачанае. Праехаўшы метраў пяцьдзесят, у святле фар заўважыў галасуючага чалавека і спыніўся. Незнаёмы папрасіў падвезці яго. Міліцыянер пагадзіўся ".

"У дарозе Віталю патэлефанаваў Артур. Ён распавёў, што ў кювеце стаяў скрадзены аўтамабіль - той самы, які адшуквалі. Сляды ад аўто вялі на дарогу, а потым абрываліся. Магчыма, згоншчыка падабрала падарожная машына. Прапаршчык у адказ намякнуў калегу, што едзе не адзін", - падзяліліся падрабязнасцямі ва УУС.

На пад'ездзе да Рагачова машыну міліцыянера спынілі супрацоўнікі ДАІ - Артур Панкратаў з напарнікам. Яны паспелі ў адной з вёсак непрыкметна абагнаць яго. Пад выглядам праверкі дакументаў папрасілі выйсці з машыны кіроўцы і пасажыра. Апошні стаў абурацца, казаў, што едзе дадому, а быў у гасцях у бабулі. "Да гэтага моманту прыбыли аператыўнікі Рагачоўскага РАУС. Бачачы, што сітуацыя развіваецца далёка не па сцэнары, і на хаду прыдуманая гісторыя пра бабулю выклікае падазрэнні, хлопец прызнаўся ва ўгоне", - адзначылі ва УУС.

Непрацуючага 24-гадовага жыхара Рагачова затрымалі. Па факце згону заведзена крымінальная справа па ч.1 ст.214 КК

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.