Вы тут

Вызначаны кніжныя лідары мінулага года


Найбольшая колькасць прададзеных асобнікаў з выданняў на беларускай мове ў 2018 годзе ў кнігі «Дзіцячы атлас Беларусі».


Стала добрай традыцыяй складанне рэйтынгаў продажу кніг у сістэме ААТ «Белкніга», гандлёвая сетка якой самая буйная ў нашай краіне і складае болей як 100 кнігарняў. Найчасцей пакупнікі звярталіся летась да «Дзіцячага атласа Беларусі» (Мінск, «Мастацкая літаратура») — і набылі 636 экзэмпляраў. На другім месцы — «Гэта Беларусь, дзетка!», гэтага выдання прададзена ў «Белкнізе» 537 асобнікаў. У тройцы «пераможцаў» — і раман Віктара Марціновіча «Ноч» (446 асобнікаў кнігі прададзена ў 2018 годзе).

Што болей чытаюць беларусы з класікі? Раманы і аповесці Уладзіміра Караткевіча (найболей — «Дзікае паляванне караля Стаха»: набылі 308 асобнікаў), «Новую зямлю» Якуба Коласа, «Міколку-паравоза» Міхася Лынькова. Па-ранейшаму ў рэйтынгу 50 найбольшых продажаў — шмат кніг, адрасаваных дзіцячаму чытачу: «Мая мілая ведзьма» Валерыя Гапеева, «У бары жывуць сябры» Міколы Бусько, «Прыгоды Васі Лайдачкіна» Генадзя Аўласенкі, «Казкі сінявокай зямлі» Таццяны Дамаронак, «Мяне завуць Лахнэска» Алены Масла, «Прыйдзі, дзень-залацень!» Паўла Місько, «Шчодрая вавёрка» Янкі Галубовіча, «Дзедава жалейка» Сяргея Давідовіча. Толькі зборнік гісторыка-краязнаўчых апавяданняў Міколы Маляўкі «Спадчына, або Каб не стаць манкуртам» набылі 179 пакупнікоў.

Сяргей ШЫЧКО

Загаловак у газеце: Кніжныя лідары мінулага года

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.