У Чэрыкаўскім раёне будуюць самую буйную ў СНД фотаэлектрастанцыю.
Станцыя ўзводзіцца на тэрыторыі Рэчыцкага сельсавета на плошчы 220 га, яе магутнасць складзе 109 МВт. Ужо вядзецца мантаж канструкцый пад фотаэлектрычныя модулі. Пастаўку абсталявання і інжынірынг ажыццяўляе кітайская кампанія Роwеr Сhіnа Guіzhоu Еngіnееrіng. Чакаецца, што агульная сума інвестыцый складзе больш за 150 мільёнаў долараў.
— Праект фінансуецца ірландскай кампаніяй «Камеліясайд Лімітэд», для рэалізацыі праекта інвестар стварыў на тэрыторыі раёна ТАА «Солар Лэнд», — паведаміла намеснік старшыні Чэрыкаўскага райвыканкама Алена Сляпцова. — Інвестдагавор быў заключаны яшчэ ў 2014 годзе, але актыўнае будаўніцтва пачалося толькі летась. Увод аб'екта запланаваны на гэты год. Эканамічны эфект ад яго эксплуатацыі чакаецца вельмі добры. Для параўнання, уласнік фотаэлектрастанцыі на 4 МВт, якая ўжо працуе ў раёне, з'яўляецца другім па велічыні плацельшчыкам падаткаў.
Чэрыкаўскі раён наогул прывабны для інвестараў. Як паведамілі ў райвыканкаме, цяпер тут у рабоце знаходзіцца інвестпраект на суму больш за 10 мільёнаў рублёў беларуска-літоўскага ТАА «Натуральная вада» — на будаўніцтва прадпрыемства па разліве вады.
Нэлі ЗІГУЛЯ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».