Вы тут

Урад вызначыў найважнейшыя мэтавыя паказчыкі заказчыкаў дзяржпраграм


Пастановай Савета Міністраў Рэспублікі Беларусь ад 22 студзеня 2019 года зацверджаны найважнейшыя мэтавыя паказчыкі заказчыкаў дзяржаўных праграм на 2019 год, паведамілі ў прэс-службе ўрада.


У прыватнасці, Міністэрству архітэктуры і будаўніцтва даведзена забеспячэнне на канец гэтага года сярэдняга кошту 1 кв. м агульнай плошчы жылля, якое будуецца з дзяржаўнай падтрымкай (без індывідуальных забудоўшчыкаў), у памеры Br1020. Доля агульнай плошчы шматкватэрных энергаэфектыўных жылых дамоў у агульным аб'ёме ўведзенага ў эксплуатацыю жылля (без уліку індывідуальных жылых дамоў) павінна скласці 90 працэнтаў.

Міністэрства жыллёва-камунальнай гаспадаркі павінна сёлета забяспечыць зніжэнне выдаткаў на аказанне жыллёва-камунальных паслуг насельніцтву ў супастаўных умовах не менш чым на пяць працэнтаў у параўнанні з 2018 годам. Для Міністэрства лясной гаспадаркі ўстаноўлены аб'ём нарыхтоўкі драўніны з аднаго гектара лясных плошчаў — 2,45 куб. м, а таксама забеспячэнне лясістасці тэрыторыі не меншай за 39,9 працэнта.

Міністэрству сельскай гаспадаркі і харчавання даручана забяспечыць значэнне сумы крэдыторскай запазычанасці і запазычанасці па крэдытах і пазыках да выручкі ад рэалізацыі прадукцыі, тавараў, работ, паслуг у сельскагаспадарчых арганізацыях не большае за 1,02 працэнта на канец года. Удзельная вага аўтамабільных дарог з цвёрдым пакрыццём у агульнай працягласці аўтамабільных дарог агульнага карыстання павінна скласці 86,7 працэнта.

Згодна з дакументам, узровень зарэгістраванага беспрацоўя да канца 2019 года не павінен перавысіць адзін працэнт. Чаканая працягласць жыцця складзе 75 гадоў. Долю айчынных лекавых сродкаў на ўнутраным рынку ў цэнасным выражэнні плануецца давесці да 54 працэнтаў.

Таксама пастаўлена задача ўвайсці ў топ-30 па індэксе ўзроўню адукацыі ў рэйтынгу краін па індэксе чалавечага развіцця. Нацыянальная акадэмія навук адказвае за забеспячэнне ўдзельнай вагі інавацыйнай прадукцыі ў агульным аб'ёме прадукцыі (паслуг). Яна павінна скласці 15,9 працэнта.

Колькасць абанентаў і карыстальнікаў стацыянарнага шырокапалоснага доступу да сеткі інтэрнэт на канец года павінна скласці 34,2 адзінкі на 100 чалавек. Сярод паказчыкаў, даведзеных да Міністэрства спорту і турызму, — экспарт турыстычных паслуг. Яго аб'ём да канца года павінен скласці $240 млн. У спартыўным рэйтынгу на сусветнай арэне па алімпійскіх дысцыплінах да канца 2019 года Беларусь павінна ўвайсці ў топ-25.

Сярод паказчыкаў, устаноўленых для аблвыканкамаў, — змяншэнне прэтэнзій на якасць жыллёва-камунальных паслуг, зніжэнне выдаткаў на іх аказанне насельніцтву ў супастаўных умовах да папярэдняга года, нарматыў замены цеплавых сетак, увод агульнай плошчы жылых дамоў пасля капітальнага рамонту, замена і мадэрнізацыя ў жылых дамах ліфтаў, якія адпрацавалі нарматыўныя тэрміны эксплуатацыі, забяспечанасць спажыўцоў водазабеспячэннем пітной якасці.

Ул. інф.

Загаловак у газеце: 1020 рублёў за «квадрат»

Выбар рэдакцыі

Грамадства

Як у Беларусі трансплантуюць органы

Як у Беларусі трансплантуюць органы

І чаму да нас на аперацыі едуць замежнікі.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.