Вы тут

Фестываль па логіцы і матэматыцы для дзяцей 1-4 класаў пройдзе ў Мінску


 “У бацькі Мэры ёсць 5 дачок: Чача, Чычы, Чэчэ і Чоча. Як завуць 5 дачку?” Задачка простая, але, як паказвае практыка, нават дарослыя над ёй задумваюцца. Праверыць, ці не скісла ваша шэрае рэчыва без лагічнай нагрузкі, і правесці час з карысцю запрашаюць арганізатары фестывалю па логіцы і матэматыцы.


26 студзеня на базе сталічнай гімназіі № 16 пройдзе вочны тур Алімпіяды “Супер-логік” Адборачныя выпрабаванні прайшлі 1600 дзяцей.

Алімпіяда “Супер-логік” — гэта міжнароднае анлайн-спаборніцтва ў вырашэнні нестандартных задач па матэматыцы і логіцы для дзяцей 1-4 класаў на базе платформы LogicLike.com. За час яе існавання ў ёй узялі ўдзел больш за 50 тысяч дзяцей з Беларусі, Расіі, Украіны , ЗША і іншых краін. У Беларусі яна пройдзе ўжо ў дзевяты раз.  У праграму ўваходзяць задачы на логіку, ​кемлівасць, уважлівасць, прасторавае і крытычнае мысленне, пошук заканамернасцяў і выбудоўванне паслядоўнасцяў. Віртуальная платформа па логіцы і матэматыцы аб'ядноўвае больш за 100 000 чалавек, супрацоўнічае з Мінскім гарадскім інстытутам развіцця адукацыі і навучальным цэнтрам пры БДУ, арганізуе  адукацыйныя мерапрыемствы для педагогаў.

На фестывалі будзе дзейнічаць FUN-зона, дзе можна будзе зрабіць фота з велізарным плюшавым персанажам, пагутарыць з юнымі “калегамі” і адпачыць ад мазгавой актыўнасці з дапамогай гульняў.

У зоне для дарослых пройдзе варкшоп па логіцы для дарослых. Калі вы не шахматыст, то даўно  не трэніруеце інтэнсіўна сваё лагічнае мысленне! А яшчэ тут адбудзецца бітва “Дарослыя vs. Дзеці”, дзе юныя логікі будуць змагацца з мэтрамі беларускага клуба “Што? Дзе? Калі?”.

У фестывалі ўдзельнічае і Юра Бязручка — вундэркінд з Мінска, які ўжо 7 разоў запар набірае максімум балаў у Алімпіядзе “Супер-логік”.

Надзея НІКАЛАЕВА

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.