Вы тут

Новую свідравіну прабурылі беларускія нафтавікі ў Эквадоры


Прадаўжэннем паспяховай распрацоўкі беларускімі спецыялістамі радовішча Армадылья ў Эквадоры стала яшчэ адна прабураная, сёмая па ліку, высокадэбітная свідравіна, піша БЕЛТА са спасылкай на прэс-службу ВА "Беларуснафта".


Свідравіна ўведзена ў эксплуатацыю з узроўнем сутачнай здабычы ў памеры 74 т бязводнай нафты. У прэс-службе нагадалі, што ў канцы снежня 2018 года ў Эквадоры ў эксплуатацыю была здадзена шостая свідравіна, прабураная на глыбіню 3496 м з сутачным дэбітам звыш 60 т нафты. Дзякуючы ўводу ў эксплуатацыю гэтых двух аб'ектаў сутачная здабыча нафты на Армадылья вырасла амаль на 150 т - да 400 т.

"У канцы мінулага года на прадпрыемстве пачалі новую праграму бурэння. І першыя дзве свідравіны ўжо далі добры рэзультат. Нават большы, чым мы чакалі. Цалкам пацвердзілася геалагічная мадэль і рэсурсная база, вызначэннем якой займаліся беларускія спецыялісты, у тым ліку з БелНДПІнафта. З улікам рэзультату, дасягнутага на першых пяці свідравінах, прабураных у пазамінулым годзе, мы плануем за год-два павялічыць здабычу нафты на радовішчы амаль у два разы - да 200 тыс. т у год", - адзначыў старшыня савета дырэктараў АТ "Сэрвіс Ойл Эквадор Эквасервойл" Андрэй Бохан.

Як расказалі на прадпрыемстве, да канца года на эквадорскім радовішчы плануецца прабурыць яшчэ пяць свідравін. У ліку задач таксама ўвод сістэмы збірання, падрыхтоўкі нафты і камерцыйнага ўліку прадукцыі, падключэнне гэтага вузла да транспартнай інфраструктуры, створанай у 2018 годзе.

Даччынае прадпрыемства "Беларуснафты" - АТ "Сэрвіс Ойл Эквадор Эквасервойл" - дзейнічае ў Рэспубліцы Эквадор з 2013 года. У адпаведнасці з дагаворам з дзяржаўнай нафтаздабыўной кампаніяй "Петраамазонас" беларусы займаюцца аптымізацыяй вытворчасці, развіццём інфраструктуры, геолагаразведкай, суправаджаюць бурэнне і рамонт свідравін.

Радовішча Армадылья ўваходзіць у блок нумар 55, размешчаны ў традыцыйным здабыўным рэгіёне гэтай лацінаамерыканскай краіны - ва ўсходняй правінцыі Напа. Паводле даных геолагаў, яго нафтавыя запасы складаюць больш за 10 млн бараляў, або 1,5 млн т.

Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін, у тым ліку Расіі, Украіны, Венесуэлы, Эквадора.

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.