Вы тут

Новая форма работы ў рэгіёнах


Выязное пасяджэнне Пастаяннай камісіі Савета Рэспублікі па рэгіянальнай палітыцы і мясцовым самакіраванні ў Чачэрскім раёне Гомельскай вобласці стала першым у 2019 годзе. Работа членаў Савета Рэспублікі з выездам у рэгіёны будзе працягнута і накіравана на павышэнне эфектыўнасці рэгіянальнай палітыкі ў вырашэнні праблем жыццезабеспячэння насельніцтва.


Усе члены камісіі адначасова правялі прыёмы грамадзян у сельсаветах раёна, вывучылі праблемы жыхароў, наведалі мясцовыя школы, магазіны, Дамы культуры і медыцынскія ўстановы.

На выніковым пасяджэнні было адзначана, што разам з поспехамі ў эканоміцы і ростам будаўніцтва жылля (у тры разы больш, чым за аналагічны перыяд 2017 года) у Чачэрскім раёне яшчэ захоўваецца шэраг нявырашаных пытанняў у выкананні сацыяльна-эканамічных паказчыкаў эфектыўнасці работы. Нягледзячы на тэндэнцыю росту сярэднямесячнай заработнай платы, намінальна налічаная зарплата работнікаў раёна ў студзені — лістападзе 2018 года была на 16,8 працэнта ніжэй за абласны ўзровень. Застаецца напружанай сітуацыя на рынку працы. Колькасць занятых у эканоміцы працягвае скарачацца, ёсць праблемы з працаўладкаваннем.

Зыходзячы з гэтага, Пастаянная камісія Савета Рэспублікі па рэгіянальнай палітыцы і мясцовым самакіраванні рэкамендавала органам мясцовага кіравання і самакіравання Чачэрскага раёна вызначыць пункты эканамічнага росту і выпрацаваць адпаведныя напрамкі развіцця рэгіёна з улікам наяўных канкурэнтных пераваг: выгаднага геаграфічнага становішча, развітога аграпрамысловага комплексу, створанай прамысловай і сацыяльнай інфраструктуры.

Перспектыўнымі напрамкамі ў развіцці эканомікі і канкурэнтнымі перавагамі раёна можа стаць стварэнне перапрацоўчых вытворчасцяў з упорам на першасную перапрацоўку сельскагаспадарчай прадукцыі. Сельгаспрадпрыемствам неабходна прадугледзець меры па павелічэнні аб'ёмаў вытворчасці канкурэнтаздольнай сельскагаспадарчай прадукцыі і харчавання з высокай дабаўленай вартасцю — праз укараненне прагрэсіўных «дакладных» тэхналогій у земляробстве і жывёлагадоўлі. Таксама, на думку спецыялістаў, вяртанне ў гаспадарчы абарот зямель, якія пацярпелі ад аварыі на ЧАЭС, і вырошчванне на іх хуткарослай драўніны дазволіць стварыць рабочыя месцы і павысіць дзелавую актыўнасць мясцовага насельніцтва.

Немалыя перспектывы для рэгіёна могуць адкрыцца з развіццём транспартнай дзейнасці і турызму. Геаграфічнае становішча раёна спрыяе актыўнаму развіццю прадпрымальніцтва ў сферы тураператарскай дзейнасці, экскурсійнага абслугоўвання.

Гомельскаму абласному Савету дэпутатаў сумесна з Гомельскім аблвыканкамам і органамі мясцовага самакіравання рэкамендавана прапрацаваць і ўнесці ў Пастаянную камісію Савета Рэспублікі па рэгіянальнай палітыцы і мясцовым самакіраванні прапановы па ўдасканаленні заканадаўства Рэспублікі Беларусь, якое рэгулюе дзейнасць органаў мясцовага самакіравання ў частцы актывізацыі іх работы, і прыцягненні грамадзян да вырашэння пытанняў мясцовага значэння.

Паводле слоў старшыні Пастаяннай камісіі Савета Рэспублікі па рэгіянальнай палітыцы і мясцовым самакіраванні Аляксандра Папкова, такая практыка выезду на месцы, вывучэння сітуацыі і поўнага ахопу ўсёй праблематыкі розных сфер жыцця канкрэтнага раёна цяпер будзе рэгулярна прымяняцца ў рабоце членаў Савета Рэспублікі.

Наталля БІТЭЛЬ

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.