Вы тут

Цікавыя навіны замежжа


Абдыму дорага

Амерыканка прапануе незнаёмцам абдымкі за грошы.

Жыхарка амерыканскага горада Лоўрэнс, штат Канзас, знайшла незвычайны і — проста скажам — зусім не напружаны спосаб зарабіць грошы. Яна абдымае ў ложку людзей і атрымлівае 80 долараў за гадзіну абдымкаў. Пра гэта паведамляе выданне Mеtrо.

Мэры Робін прызнаецца, што нават вучылася прафесіі «абдымальшчыка» — цэлыя тры месяцы. Перад сустрэчай з будучым кліентам яна мае зносіны з ім па відэасувязі і падпісвае дамову аб тым, што дотыкі будуць насіць толькі платанічны характар (хоць гэта вельмі цікавая трактоўка эпітэта). Сам сеанс праходзіць на нейтральнай тэрыторыі — у доме, які не належыць ні Мэры, ні кліенту. Апошні павінен прад'явіць пасведчанне кіроўцы для пацвярджэння асобы. У жанчыны ўжо ёсць 30 пастаянных кліентаў ва ўзросце ад 20 да 75 гадоў. Падчас сеансу яны ляжаць у абдымках на ложку, калі хто-небудзь з іх адчуе сябе няўтульна, ён павінен адразу пра гэта сказаць.

«Абдымкі дапамагаюць адчуць сувязь з іншым чалавекам мацней, чым што-небудзь іншае. У мяне і ў кліента адбываецца выкід аксітацына — гармону шчасця», — лічыць Мэры. Яна ўпэўненая, што ў найбліжэйшыя гады ў яе з'явіцца мноства калег. Адна з кліентак Мэры, 27-гадовая Эмі Томпсан, сцвярджае, што падобны від тэрапіі вельмі важны для грамадства: «Цяпер разгар крызісу сексуальнай згоды, калі людзі часта не могуць зразумець — дзе заляцанні, а дзе дамаганні, і яны не разумеюць, як ясна выказваць свае сексуальныя патрэбы. У такіх умовах вельмі важна, што чалавек можа апынуцца з Мэры ў бяспечнай прасторы».

Адзначаецца, што Мэры Робін зарабіла нямала грошай у ложку, але канкрэтная сума пакуль не агучвалася.


Стагадовая паляўнічая адным стрэлам здабыла двух аленяў

У амерыканскім горадзе Моргантаўн (штат Місісіпі) доўгажыхарка адправілася на паляванне пасля 101-га дня нараджэння і падстрэліла двух аленяў адным стрэлам, паведамляе выданне WHNT-TV.

Берта Вікерс засела са стрэльбай у хованцы, якую пабудавалі яе сваякі. Калі побач з'явіўся алень, яна не стала страляць адразу. «Я вырашыла дачакацца каго-небудзь буйнейшага», — тлумачыць яна. Цярпенне яе было ўзнагароджана. «Неўзабаве выходзіць вялікая аленіха, я страляю, — расказвае Вікерс. — Гляджу — а на зямлі два алені. Прастрэленыя абодва». Паводле слоў доўгажыхаркі, пасля вяртання з палявання яна пасмажыла здабычу і большую частку аддала ўнукам.


Дырэктар школы танцуе з вучнямі

Дырэктар Чжан Пэнфэй непакоіцца з нагоды лішняй вагі ў многіх вучняў пачатковай школы Xі Guan у Кітаі.

Кіраўнік дзіцячай установы перакананы, што прычына атлусцення ў маларухомым ладзе жыцця: дзеці занадта шмат часу праводзяць за камп'ютарамі або сядзяць «уткнуўшыся» ў смартфоны. 40-гадовы Чжан Пэнфэй прыдумаў арыгінальны спосаб барацьбы з гэтай праблемай. Кіраўнік навучальнай установы самастойна вывучыў рухі, паказаў іх сваім выхаванцам і цяпер кожны перапынак разам з вучнямі замест звычайных фізічных практыкаванняў выконвае энергічны танец. Вучням, а за імі і большасці настаўнікаў, ідэя вельмі спадабалася, і яны актыўна прымаюць удзел.

Іван Купарвас

Выбар рэдакцыі

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.