Вы тут

Падзенні і поспехі: вынікі чацвёртага дня ЧЕ па фігурным катанні


Апошні дзень спаборніцтваў мінскага чэмпіянату Еўропы па фігурным катанні прынёс масу сюрпрызаў і шмат маляўнічай барацьбы.


Спачатку на лёд выйшлі мужчыны. Многія меркавалі, што цяперашні кантынентальны п'едэстал у мужчынскім адзіночным катанні можа быць цалкам расійскім, бо Міхаіл Каляда і Аляксандр Самарын пасля кароткай праграмы аказаліся ў тройцы наймацнейшых. Ды і іх суайчыннік Максім Коўтун у адвольнай праграме адкрываў наймацнейшую групу фігурыстаў.

Аляксандр Самарын (Расія)

Міхаіл Каляда (Расія)

Максіму выступленне не ўдалося, падзенне і шмат памылак адкінулі яго далёка ад п’едэстала, што выклікала наймацнейшую крытыку заслужанага трэнера СССР, настаўніка, якая выхавала алімпійскіх чэмпіёнаў, Таццяны Тарасавай. "Гэта называецца "аўт". Проста сорамна. У нас ёсць кім замяняць. Сам сябе памяняў! Ён павінен змагацца. У іх з Кацалапавым вельмі падобная псіхіка. Чакалі адзнак, а якіх адзнак тут чакаць? У дзясятцы б застацца. І потым, яму гэта зусім не трэба. Вынік выступлення? Выніку няма. Чалавек у непрытомнасці катаецца і сядзіць у ёй да гэтага часу. Можа, мы кінем яго падтрымліваць і ён сам сябе падтрымае?"

Таксама праваліў выступленне і Міхаіл Каляда, які лідзіраваў пасля кароткай праграмы, але пазбавіўся медалі мінскага турніру. А вось Аляксандр Самарын адзіны, каму ўдалося па-сапраўднаму пакалашмаціць нервы вядомаму іспанцу Хаўеру Фернандэсу. Расіянен выканаў сваю праграму практычна ідэальна і заваяваў «серабро» чэмпіянату Еўропы. «Я спрабаваў адключыцца ад усяго, што адбывалася вакол мяне. Так, не ўсё атрымалася, як хацелася але, я рады, што атрымалася датрываць да канца, пазмагацца за кожны элемент і парадаваць маю каманду», - адзначыў Аляксандр.

Хаўер Фернандэс (Іспанія)

Чэмпіёнам Еўропы ў сёмы раз стаў непераможны Хаўер Фернандэс, для якога гэты турнір стаў апошнім у прафесійнай кар'еры спартсмена. Стаць сяміразовым чэмпіёнам Еўропы атрымлівалася толькі дваім фігурыстам - іспанцу і расіяніну Яўгену Плюшчанку. Фернандэс адзіны, каму ўдалося перамагчы на ​​кантынентальным турніры сем разоў запар. «Сем гадоў таму, не думаў, што калі-небудзь выйграю чэмпіянат Еўропы і праз сем гадоў зноў буду ўдзельнічаць у гэтым турніры і змагу тут перамагчы, - расказвае іспанец. - На дадзены момант я проста рады, што гэта здарылася ў маім жыцці. Не сказаў бы, што цяпер адчуваю палёгку, хутчэй сум, таму што я трэніруюся 21 год і вось прыйшоў мой час завяршыць сваю кар'еру. У любым выпадку я працягну катацца для іншых рэчаў, але гэта будзе не для спаборніцтваў. Мне здаецца, у мяне атрымалася зрабіць добрую кар'еру і я дасягнуў значна большага, чым мог уявіць».

Замкнуў тройку прызёраў італьянец Матэа Рыца, які пасля кароткай праграмы быў толькі дзясятым.

 

Танцы на лёдзе завяршылі розыгрыш медалёў 111-га чэмпіянату Еўропы па фігурным катанні. У адвольнай праграме мы ўбачылі і беларускую пару Юрыя Гуліцкага і Ганны Кублікавай. Спартсмены на выдатна справіліся са сваёй задачай, адкаталі праграму добра і занялі высокае для сябе 18-е месца. «Рыхтаваліся спакойна, спакойнай была ранішняя трэніроўка і размінка, але як толькі выйшлі на лёд перад самім выступленнем, адчуўся мандраж. Мы трымалі сябе ў руках, змаглі зрабіць усё без зрываў, без нерваў, таму задаволеныя, - расказаў Юрый. - Асноўную задачу, выхад у адвольны танец, мы выканалі. Нават, здаецца, трохі паднімемся ў рэйтынгу, гэта таксама супер. Гэта добры зачын для будучага росту, для нашай будучыні. Праз месяц у нас чэмпіянат свету; з трэнерам будзем вырашаць, ці дадаваць складаныя элементы ў праграму».

Ганна Кублікава і Юрый Гуліцкі

Габрыэла Пападакіс - Гіём Сізэрон (Францыя)

Першае месца ў танцах на лёдзе заняла французская пара - Габрыэла Пападакіс і Гіём Сізерон, яны набралі 217,98 бала. Другія расіяне Аляксандра Сцяпанава і Іван Букін - 206,41 бала. “Бронза” дасталася прадстаўнікам Італіі - Шарлен Гіньяр і Марка Фабры.

Аляксандра Сцяпанава - Іван Букін (Расія)

Шарлен Гіньяр - Марка Фабры (Італія)

Расійскія фігурысты Аляксандра Сцяпанава і Іван Букін пракаменціравалі сваё “серабро”. «Мы вельмі рады, што палепшылі свой бронзавы медаль. Серабро” для нас - велізарны крок наперад. Гэта штуршок для нас, ён прымушае нас ісці далей і працаваць яшчэ больш».

 

19 Вікторыя Сініцына - Мікіта Кацалапаў (Расія)

Завершыцца чэмпіянат Еўропы ў нядзелю яркім гала-канцэртам.

Дар'я ЛАБАЖЭВІЧ

Фота Ганны ЗАНКАВІЧ

Выбар рэдакцыі

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.

Культура

Рэжысёрка Улада Сянькова: Беларускае кіно можа лёгка ўвайсці ў моду

Рэжысёрка Улада Сянькова: Беларускае кіно можа лёгка ўвайсці ў моду

Прэм'ера карціны ІІ, якая адбылася на мінулым кінафестывалі «Лістапад», стала сапраўднай падзеяй з усімі належнымі атрыбутамі — гучным кантэкстам, натоўпам у кінатэатры ды доўгімі рэфлексіямі, якія пацвердзілі, што фільм трапіў у яблычак. 

Спорт

Дзяўчына выступае ў аматарскай хакейнай лiзе супраць мужчын i адкрывае свае асаблiвыя трэнажорныя залы

Дзяўчына выступае ў аматарскай хакейнай лiзе супраць мужчын i адкрывае свае асаблiвыя трэнажорныя залы

Наталля Аляксеенка — дзяўчына нетыповая: у дзяцiнстве яна не марыла стаць балерынай або гiмнасткай, хоць яе i цiкавiў спорт.