Вы тут

Да канца тыдня чакаецца на 5—7 градусаў вышэй за кліматычную норму


У апошнія дні студзеня ўмовы надвор'я на тэрыторыі краіны будуць вызначаць атмасферныя франты і цёплыя паветраныя масы, якія паступаюць з паўднёвага захаду Еўропы.


На змену маразам ідзе пацяпленне, і ў пачатку лютага ўжо ўсталюецца адліга з ападкамі. Тэмпературны фон будзе павышацца і ў канцы тыдня акажацца істотна вышэй за кліматычную норму, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У чацвер чарговая сістэма франтоў прынясе новую порцыю цяпла і выкліча на большай частцы тэрыторыі краіны мокры снег з дажджом. Месцамі чакаецца туман, галалёд, на дарогах галалёдзіца. Тэмпература паветра ўначы складзе ад мінус 6 градусаў па паўночным захадзе да плюс 1 градуса па паўднёвым усходзе, днём будзе ад мінус
3 градусаў да 3 цяпла.

Не абыдзецца без кароткачасовых ападкаў і пятніца. У першы дзень лютага на большай частцы тэрыторыі краіны прагназуецца дождж, месцамі з мокрым снегам. У асобных раёнах чакаюцца туман, галалёд, на дарогах галалёдзіца. Тэмпература паветра ўначы будзе ад мінус 4 градусаў да 2 цяпла, удзень — ад мінус 2 да плюс 3 градусаў.

Паводле папярэдніх прагнозаў айчынных сіноптыкаў, у гэтыя выхадныя дні чакаецца сапраўды цёплае з ападкамі надвор'е. Магчыма, на наступным тыдні яно перарасце ў адлігу.

Сяргей КУРКАЧ

Загаловак у газеце: Мокры снег з дажджом і каля нуля

Выбар рэдакцыі

Эканоміка

Прыватны бізнес выбірае Смілавічы

Прыватны бізнес выбірае Смілавічы

У гэтым упэўнілася карэспандэнт, наведаўшы пасёлак.

Грамадства

Карэспандэнты «Звязды» наведалі «Воўчыя норы»

Карэспандэнты «Звязды» наведалі «Воўчыя норы»

Там адбываюць пакаранне мужчыны, упершыню асуджаныя за незаконны абарот наркотыкаў.

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.