Вы тут

Ва ўдзельніц праекта «Прадпрымальная землеўласніца» з'явіліся ментары


Якую гародніну вырошчваць на продаж больш выгадна? Што патрабуе менш выдаткаў, аднак дае найвялікшую ўраджайнасць? На якой сельгаскультуры можна «прагарэць» і чым лепш рызыкнуць? Адказы на гэтыя і іншыя пытанні ўдзельніцы сацыяльнага праекта «Прадпрымальная землеўласніца» шукалі на семінары ў Оршы. Крэатыўныя заняткі адбыліся праз тыдзень пасля экскурсіі жанчын па прыватных гаспадарках Брэстчыны, пра што пісала «Звязда», і завяршылі першы этап адукацыйнага курса праекта, разлічанага на год.


Разам з ментарамі — спецыялістамі, якія дапамагаюць патэнцыйным бізнес-лэдзі асвойваць фінансавую і сельскагаспадарчую грамату, — жанчыны пакуль «зарабляюць» і «страчваюць» на паперы, аднак неўзабаве пачнецца работа на палях. А перад гэтым жанчын чакаюць яшчэ 40 семінараў, на якіх яны спасцігнуць агародную навуку.

Праект разлічаны на тое, каб заахвоціць прыгожую палову на самастойны заробак. Як захавальніца ачага жанчына заўжды занепакоена, каб хапіла грошай на сям'ю, каб з дзецьмі было ўсё добра. Жанчыны такім чынам выступаюць гэткім рухальным пачаткам. Менавіта таму ўхіл у праекце зроблены менавіта на іх. Па першасці ўдзельніцы, дарэчы, не будуць укладваць у праект нічога, акрамя сваёй працы, адзначаюць арганізатары «Прадпрымальнай землеўласніцы».

Самыя актыўныя жанчыны ўжо могуць самі падзяліцца набытымі ведамі з аднавяскоўкамі, сваякамі і знаёмымі і залучыць іх да ўдзелу ў праекце. Нягледзячы на першапачаткова жаночы твар, да ідэі прадпрымальніцтва на зямлі ўжо далучыліся мужы многіх з іх.

— З дапамогай спецыялістаў нашы агародніцы змогуць растлумачыць асаблівасці вядзення бізнесу на зямлі, каб склад удзельнікаў праекта павялічыўся і атрымалася кааперацыя. Мы плануем, што колькасць удзельнікаў дасягне 600 чалавек, — мяркуе Рыма ЕПУР, выканаўчы дырэктар праекта, генеральны дырэктар «Маладзёжнай сацыяльнай службы».

Удзельніцы кажуць, што сур'ёзна натхніліся развіваць аграбізнес, бо хочацца зрабіць нешта для сябе і родных.

Ірына СІДАРОК

Фота Андрэя САЗОНАВА

Загаловак у газеце: «Грашовая» і «стратная» гародніна

Выбар рэдакцыі

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.