Вы тут

Ці патрэбна дарога на Альманскіх балотах?


Будаўніцтва дарогі ў Альманскіх балотах выклікала негатыўную рэакцыю абаронцаў прыроды. У першую чаргу яны адзначалі, што яе наяўнасць прывядзе да высечкі лесу.


Аднак, па словах начальніка ўпраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Мікалая СВІДЗІНСКАГА, той лес не падыходзіць для прамысловага выкарыстання, адпаведна, няма сэнсу ў яго нарыхтоўцы.

«Дарога ў Альманскіх балотах патрэбна і для таго, каб выратаваць балота», — сказаў Мікалай Свідзінскі на прэс-канферэнцыі ў Нацыянальным прэс-цэнтры.

Будаўніцтва дарогі, на думку спецыяліста, гарантуе бяспеку асабліва ахоўнай прыроднай тэрыторыі, у прыватнасці ў выпадку пажару тэхніка МНС не пройдзе па твані. А пажары на гэтай тэрыторыі ўзнікаюць часцей за ўсё па віне наведвальнікаў, якія займаюцца нарыхтоўкай ягад. «Калі б Альманскія балоты працягвалі гарэць да зімы, да ўстойлівага снегавога покрыва, як гэта было раней, мы атрымалі б загінулую экасістэму, якая аднаўлялася б не адну сотню гадоў», — растлумачыў Мікалай Свідзінскі.

Ён паведаміў, што былі выяўлены парушэнні падчас будаўніцтва дарогі, у прыватнасці несанкцыянаванае выкарыстанне пяску, за што і былі пакараны вінаватыя. Прадстаўнік Мінпрыроды адзначыў важную ролю грамадскіх арганізацый АПБ і «Багна», якія выявілі факты парушэнняў.

Цяпер будаўніцтва дарогі працягваецца «па варыянце, які прайшоў дзяржаўную экалагічную экспертызу».

Аксана ЯНОЎСКАЯ

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.