Вы тут

На вясновай сесіі разгледзяць 36 законапраектаў


Пра гэта паведаміў старшыня Палаты прадстаўнікоў Нацыянальнага сходу Беларусі Уладзімір АНДРЭЙЧАНКА на савеце ніжняй палаты парламента. Акрамя таго, ён адзначыў, што да канца года чакаецца паступленне яшчэ 30 планавых дакументаў.


«Летась мы прынялі некалькі сур'ёзных дакументаў у развіццё дэкрэтаў Прэзідэнта. Гэту працу трэба паслядоўна працягваць пры падрыхтоўцы законапраектаў аб гаспадарчых таварыствах, натуральных манаполіях, плацежных паслугах, інавацыйнай і аўдытарскай дзейнасці, — растлумачыў Уладзімір Андрэйчанка. — У хуткім часе пачнецца праца па бюджэце. Яго неабходна адаптаваць да сучасных эканамічных рэалій. Акрамя таго, мы дамовіліся працягнуць працэс удасканалення падатковага заканадаўства, якое павінна больш актыўна стымуляваць дзелавую ініцыятыву. Усе гэтыя пытанні павінны быць на кантролі парламентарыяў».

Старшыня Палаты прадстаўнікоў адзначыў, што запланавана 35 мерапрыемстваў па вывучэнні правапрымяняльнай практыкі. «Важна, каб іх вынікамі былі канкрэтныя заканадаўчыя ініцыятывы», — падкрэсліў ён.

Намеснік старшыні Палаты прадстаўнікоў Нацыянальнага сходу Беларусі Баляслаў ПІРШТУК удакладніў, што на найбліжэйшай сесіі будуць разглядацца 12 законапраектаў у першым чытанні, 17 — у другім, і яшчэ сем ратыфікацый. «Але не бывае галоўных і другарадных законапраектаў — усе яны актуальныя для пэўных сфер дзейнасці, груп насельніцтва», — падкрэсліў Баляслаў Пірштук.

Таксама намеснік старшыні анансаваў, што 2—4 мая ў сталіцы пройдзе канферэнцыя Групы падтрымкі Шаўковага шляху ПА АБСЕ. У гэту суполку ўваходзяць 23 краіны. Мерапрыемства стане адной з найбольш важных міжнародных падзей у гэтым годзе.

Надзея АНІСОВІЧ

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.