Вы тут

Абраны Маладзёжныя паслы Мэт устойлівага развіцця


Падчас форуму ўзнагародзілі найлепшых юнакоў і дзяўчат у двух конкурсах. 17 з іх было прысвоена званне «Маладзёжны пасол Мэт устойлівага развіцця». А траіх адзначылі як пераможцаў у конкурсе коміксаў «Супергероі для супермэт».


Каб атрымаць званне пасла, маладыя людзі прайшлі некалькі этапаў. На першым неабходна было абраць адну з МУР, якую яны хочуць прадстаўляць, і апублікаваць свой матывацыйны пост ва «УКантакце», «Фэйсбуку» ці «Інстаграме». Журы ацаніла каля 250 такіх заявак і адабрала ўдзельнікаў фіналу, які прайшоў у студзені. У ім 32 канкурсанты прэзентавалі ўласныя праекты і праграмы па дасягненні адной з МУР. Сярод іх былі ідэі па стварэнні музея экалогіі і тэхнагенных катастроф, павышэнні фінансавай адукаванасці падлеткаў і іншыя.

Конкурс коміксаў «Супергероі для супермэт» праводзіўся летась з 24 верасня да 20 лістапада. Удзельнікам неабходна было прыдумаць свайго супергероя або супергераіню, расказаць, як яны маглі б дапамагчы Беларусі ў дасягненні Мэт устойлівага развіцця. У конкурсе ўдзельнічалі хлопцы і дзяўчаты ад 12 да 22 гадоў.

Трэцяе месца заняла Рэната СІВАКОВА з вёскі Паташня Мёрскага раёна, вучаніца Павяцкай яслі-сад — сярэдняй школы. Яна намалявала комікс з Місіс МУР, якая змагаецца з бруднай вадой.

Другая прыступка п'едэстала засталася за Максімам МАРОЗАВЫМ, студэнтам факультэта мастацтваў і дызайну Гродзенскага дзяржаўнага ўніверсітэта імя Янкі Купалы. Яго герой — Алесь Журка, у якога ёсць ідэі, як нашай краіне дасягнуць адразу некалькіх Мэт устойлівага развіцця.

Пераможцай стала Ганна КАВЕЦКАЯ, вучаніца сталічнай сярэдняй школы № 201. Яна стварыла МУРавіка — гэта дух Беларусі, які сцеражэ прыроду. Ён вучыць дзяцей ачышчаць ваду, берагчы рэсурсы, разам вырашаць праблемы экалогіі, піша кнігі пра беларускую прыроду. МУРавік знаходзіць новыя, бяспечныя для навакольнага асяроддзя крыніцы энергіі. А дапамагаюць яму духі прыроды.

Надзея АНІСОВІЧ

Фота Таццяны ТКАЧОВАЙ

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.