Вы тут

На беларускі адбор на «Еўрабачанне» паступіла 113 заявак


Як адзначаюць у Белтэлерадыёкампаніі, якая выступае асноўным арганізатарам нацыянальнага адбору, гэта рэкордная колькасць за апошнія сем гадоў (напрыклад, летась ахвотных спяваць на еўрасцэне ад Беларусі было 93 чалавекі, а ў 2017-м — усяго 67).


Сёлета ж усяго за дзесяць дзён, што доўжыўся прыём, медыяхолдынг атрымаў 113 заявак. Улічваючы спрошчаную працэдуру афармлення (праз сайт) і адсутнасць абмежаванняў па грамадзянстве ўдзельнікаў, жаданне выступіць за Беларусь выказалі артысты не толькі з нашай краіны, але таксама з Расіі, Украіны, Польшчы, Латвіі, Румыніі, Італіі, Іспаніі, Вялікабрытаніі, Швецыі, ЗША, Канады, Ізраіля і нават Нігерыі. Ёсць сярод іх даволі вядомыя выканаўцы — так, шведскі рок-спявак і гітарыст Себасцьян Рос праславіўся ў Паўночнай Еўропе як адзін з найлепшых выканаўцаў хітоў Thе Bеаtlеs, Міхай Трайстарыу з Румыніі ўжо выступаў на «Еўрабачанні» ў 2006-м і заняў 4-е месца ў фінале, Dаz Sаmрsоn з Вялікабрытаніі таксама прадстаўляў родную краіну на шоу 2006 года. Хапае ў спісе і ўдзельнікаў мінулых адбораў — гурт «Аўра», Nароlі, Ален Хіт, Анжаліка Пушнова і адна з патэнцыйных фаварытак адбору ЗЕНА — беларуская артыстка прадзюсарскага цэнтра Віктара Дробыша Зіна Купрыяновіч, якая летась нагадала аб сабе на дзіцячым «Еўрабачанні» — праўда, у якасці вядучай.

Пасля праверкі атрыманых заявак на адпаведнасць умовам конкурсу стане вядома, ці ўсе прэтэндэнты трапяць у наступны этап — жывое праслухоўванне. Яно пройдзе ў вялікай студыі Белтэлерадыёкампаніі ўжо ў панядзелак, 4 лютага, і па выніках праслухоўвання фокус-група абвесціць імёны дзесяці фіналістаў. Зрэшты, адзначаюць арганізатары, колькасць фіналістаў можа быць змененая ў той ці іншы бок, калі прафесіяналы палічаць гэта неабходным. Анлайн-трансляцыю праслухоўвання можна паглядзець на сайце www.tvr.bу, а падрабязны рэпартаж пра тое, што застанецца па-за ўвагай тэлекамер, шукайце на сайце і ў адным з наступных нумароў «Звязды».

Вікторыя ЦЕЛЯШУК

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.