Вы тут

У Крычаве адкрыюць Цэнтр выхавання моладзі «ЭкаЭнергетыка»


У Крычаве адкрыюць Цэнтр экалагічнага і энергазберагальнага выхавання моладзі «ЭкаЭнергетыка». Аб гэтым на прэс-канферэнцыі расказала Валянціна Дыніч, намеснік старшыні асацыяцыі «БелБрэнд». Праект падтрыманы праграмай малых грантаў Глабальнага экалагічнага фонду ўпраўлення ААН па абслугоўванні праектаў (UNОРS) і рэалізуецца ад трох выканаўчых агенцтваў ГЭФ — Сусветнага банка, Праграмы па навакольным асяроддзі ААН і Праграмы развіцця ААН.


Цэнтр экалагічнай і энергазберагальнай асветы будзе працаваць як дэманстрацыйная, кансультацыйная і адукацыйная пляцоўка для забеспячэння інфармавання насельніцтва аб праблемах змянення клімату, аб магчымасцях змякчэння наступстваў гэтых змяненняў і аб неабходнасці ўкаранення энергазберагальных тэхналогій у паўсядзённае жыццё. Асаблівасцю праекта з'яўляецца выкарыстанне, прасоўванне і камерцыялізацыя экалагічных і энергазберагальных распрацовак беларускай моладзі. Валянціна Дыніч расказала, як гэта будзе ажыццяўляцца на практыцы:

— Цэнтр — гэта пляцоўка, дзе юныя навукоўцы могуць прэзентаваць свае навуковыя працы. Мы дадзім ім унікальную магчымасць прадэманстраваць свае распрацоўкі, дапаможам стварыць якасныя макеты, відэаролікі. Мы зробім усё, каб рэалізаваць іх ідэі: дапаможам знайсці спонсараў, годна прадставіць работы. Па сутнасці, гэта вялізная выстаўка маладзёжных інавацыйных праектаў, якую можна будзе наведваць пастаянна, бачыць, як развіваюцца ідэі, якіх поспехаў дамагаюцца іх распрацоўшчыкі, нават паўдзельнічаць у некаторых праектах.

Акрамя пераможцаў праектаў выставак «100 ідэй для Беларусі», «Найлепшы інавацыйны праект», «Найлепшы інавацыйны маладзёжны праект», у цэнтры будуць працаваць пляцоўкі, якія прадстаўляюць і асобныя праекты. Навучэнцы з Клецкага раёна Мінскай вобласці нядаўна прадставілі праект «Энергія з-пад абцасаў», у якім прапануюць абсталяваць крамныя каляскі акумулятарамі, якія будуць зараджацца ў працэсе «язды». Зарад, які будзе назапашвацца ў іх, можна будзе ўжываць для электрасілкавання розных прыбораў.

Пляцоўка будзе адкрыта на базе Цэнтра творчасці дзяцей і моладзі Крычава «Крэчут» прыкладна ў канцы вясны. Дырэктар ДУА Юрый Еўдакіменка кажа:

— Толькі ў нашым цэнтры гурткі і секцыі наведваюць больш за 1400 навучэнцаў да 31 года. Новую пляцоўку змогуць наведваць і дэлегацыі з іншых рэгіёнаў, мы будзем рады і замежным гасцям. Праект павінен у корані змяніць светапогляд нашых людзей, асабліва моладзі, прымусіць іх задумацца над многімі пытаннямі экалогіі і энергазберажэння, а гэта, у сваю чаргу, дапаможа забяспечыць краіне здаровую і жыццяздольную эканоміку.

Вольга Пралюк

Загаловак у газеце: Пляцоўка для экатворчасці

Выбар рэдакцыі

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Калейдаскоп

Каля 150 спартсменаў-аматараў хочуць выступіць у «даеўрапейскіх гульнях»

Каля 150 спартсменаў-аматараў хочуць выступіць у «даеўрапейскіх гульнях»

Трэніроўкі і здымкі ўдзельнікаў пачнуцца ў красавіку.

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна.