22 кастрычніка, чацвер

Вы тут

9 лютага адбудзецца зімовае спартыўнае свята «Мінская лыжня»


На лыжаролернай трасе ў мікрараёне «Вяснянка».

Плануецца, што ўдзел у ім прыме больш за 3 тысячы чалавек. Гэта будзе не толькі лыжная гонка, як раней, а яшчэ і біятлонная. Першы старт запланаваны на 11.00, у гэты час пачнецца біятлонная эстафетная гонка 4 па 3,6 км сярод камандаў Адміністрацыі Прэзідэнта Рэспублікі Беларусь, Савета Міністраў, аблвыканкамаў, Мінскага гарвыканкама, Вярхоўнага Суда, Канстытуцыйнага Суда, Нацыянальнага алімпійскага камітэта і камандаў аматараў.


Далей адбудзецца біятлонная гонка з масавым стартам сярод жанчын на прызы Прэзідэнта Рэспублікі Беларусь. На лыжню выйдуць і каманды вышэйшых навучальных устаноў (з ліку студэнтаў), а завершаць вялікае спартыўнае свята масавыя старты ў лыжных гонках на 2,5 км.

«Зіма ў нас асацыюецца з некалькімі відамі спорту. Гэта хакей, біятлон, фрыстайл, лыжныя гонкі. Але найбольш папулярны, вядома ж, біятлон. Таму было прынята рашэнне акцэнты зрабіць на гэты від спорту. Плюс яшчэ масавасць: чым больш людзей будзе займацца, тым больш спартсменаў у нас на нашай пірамідзе павінна быць. «Мінская лыжня» — ужо традыцыйнае свята. Яно праводзіцца з году ў год. І трэба ўнесці нейкую цікавінку, нешта новае. Сёлета будзе цудоўнае свята», — адзначыў міністр спорту і турызму Сяргей КАВАЛЬЧУК.

Пераможцы і прызёры ў эстафетах вызначаюцца па найменшым часе, затрачаным на праходжанне дыстанцыі чатырма ўдзельнікамі. Яны будуць узнагароджаны медалямі, прызамі, каманды-пераможцы і прызёры — кубкамі. А ўсе ўдзельнікі, якія прыйшлі да фінішу, атрымаюць памятныя медалі.

Падчас спаборніцтваў будзе арганізаваны выязны гандаль, у тым ліку адкрыюцца пункты гарачага харчавання. Балельшчыкаў, якія жадаюць падтрымаць сваіх сяброў і блізкіх на трасе, чакае культурна-забаўляльная праграма, прадугледжана некалькі актыўных зон.

У сувязі з правядзеннем свята ў перыяд з 9.00 да 17.30 будзе павялічана колькасць рухомага саставу на аўтобусных маршрутах № 1 і № 133, арганізавана работа часовага тралейбуснага маршрута № 10Д «ДС Вяснянка — ст. м. Пушкінская».

Адзначым, што ўпершыню «Мінская лыжня» прайшла 16 лютага 1986 года, калі быў арганізаваны лыжны прабег на 15 км па маршруце Баравая — Раўбічы ўздоўж аўтамабільнай трасы Мінск — Віцебск. У ім узялі ўдзел 12 тысяч аматараў гэтага віду спорту. З 2003 года па ініцыятыве Міністэрства спорту і турызму з'явілася рэспубліканскае спартыўнае свята «Беларуская лыжня». Ініцыятыва прыжылася, і па прыкладзе сталіцы падобныя старты праходзяць зараз і ў іншых рэгіёнах Беларусі.

Дар'я ЛАБАЖЭВІЧ

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.